首頁 即時娛樂

【扮唔熟】聞伯樂余詠珊將離職 陸浩明祝福「同事」新發展

20/04/2021 18:15:00
對於「伯樂」余詠珊將離職,6號竟以「唔多熟」的口吻避答會否問候對方。
對於「伯樂」余詠珊將離職,6號竟以「唔多熟」的口吻避答會否問候對方。

早前TVB副總經理曾志偉指,ViuTV題材偏門只可與J2台比較,ViuTV王牌節目《全民造星》出身的男子組合ERROR成員193(郭嘉駿),就隔空反擊:「咩叫J2?40幾歲仲做後生仔嗰個?」下周一便踏入42歲的《#後生仔傾吓偈》主持陸浩明(6號)首當其衝,今日他與馮盈盈出席活動時,再度探討「年輕人」住屋議題,他說:「我喜歡幫助年輕人,也欣賞後生仔的創意。」

被問到會否介意被193暗寸?6號直言:「冇乜所謂,最緊要開心好玩,開心自己的節目有人睇!」不過盈盈卻幫倒忙說:「6號Keep得好好呀,最緊要心境年輕,好似我得26歲,別人也以為我30啦!」那麼再主持《#後生仔傾吓偈》會否尷尬?6號說:「不會,我的角色似領隊,盡主持責任帶領年輕人說話,正如網友話齋,莫非兒童節目就要搵小朋友主持咩?冇乜所謂啦!」至於可有睇ERROR的節目?6號稱「咩台都睇」,但工作時間較難遷就,只要有好節目都會睇。難道ERROR節目唔好睇而冇睇?他說:「大家都畀心機做節目,互相支持啦!(唔睇ViuTV點知己知彼?)我要睇美股呀!」

被暗寸「40幾歲仲做後生仔」的6號,跟《#後生仔傾吓偈》另一主持盈盈,均死撐好開心自己的節目有人睇。
被暗寸「40幾歲仲做後生仔」的6號,跟《#後生仔傾吓偈》另一主持盈盈,均死撐好開心自己的節目有人睇。
《開心大綜藝》被指不好笑,盈盈也承認節目有進步空間。
《開心大綜藝》被指不好笑,盈盈也承認節目有進步空間。


追問自稱「姜糖(姜濤粉絲稱號)」的盈盈有否看姜濤的節目?她僅答:「工作忙冇乜時間睇呀!(驚姜濤Fans罵而不敢多講?)不會,自己偶像有人支持,Fans應該開心。」對於TVB直播節目《開心大綜藝》被指不好笑,身為主持的二人表示每次錄影後,也有跟志偉一起檢討,6號又認為公司會「自抽」已是新嘗試,例如C君模仿《尋人記》也很好笑,但二人承認節目有進步空間。

6號與盈盈今日出席活動時,探討「年輕人」住屋議題。
6號與盈盈今日出席活動時,探討「年輕人」住屋議題。
6號(右五)僅祝福「同事」余詠珊(左四)新發展。
6號(右五)僅祝福「同事」余詠珊(左四)新發展。


另提到「伯樂」余詠珊將離職,6號竟以「唔多熟」的口吻避答會否問候,他說:「公司有同事離職當然也要感謝他們的付出,祝福新發展。(即是會不會聯絡她?)可能……會問候吓嘅!」而早前TVB大股東黎瑞剛公開批評飲食節目氾濫,令有關節目全被煞停,6號自言不清楚公司有否「限廚令」,但暫未會跟肥媽再合作《食平D》系列,也贊成節目要多元化。

193(中)早前暗寸6號:「40幾歲仲做後生仔嗰個?」
193(中)早前暗寸6號:「40幾歲仲做後生仔嗰個?」
自稱「姜糖」的盈盈表示,因工作忙而冇乜時間睇偶像的節目。
自稱「姜糖」的盈盈表示,因工作忙而冇乜時間睇偶像的節目。
其他文章
hd