首頁 即時娛樂

【頭條獨家】單身多時公開擇偶條件 陳瀅自認醋埕難跟圈中人拍拖

20/04/2021 18:28:00
陳瀅拍《Tiger
陳瀅拍《Tiger's Talk》主動逗方力申,她怪受「李小勇 」表現影響。

陳瀅最近在劇集《愛美麗狂想曲》飾演男人婆「李小勇」,她承認拍攝令自己麻甩一面放大了10倍,她更自爆早前拍《Tiger's
Talk》主動逗方力申,也是受角色大膽表現影響。她自言拍過4次拖,而16年跟何猷亨分手後一直單身,強調希望下任男友會是未來丈夫,所以會小心開始,更公開擇偶條件,但自認是醋埕難跟圈中人發展。撰文:杜淑霞 攝影:譚壹致 髮型:Larry [email protected] ilcolpo 化妝:Vanessa Wong 場地:六公館

陳瀅期望下個男朋友將會是未來丈夫,所以會審慎決定才開始。
陳瀅期望下個男朋友將會是未來丈夫,所以會審慎決定才開始。
陳瀅在《愛美麗狂想曲》的性感演出,她用「李小勇」角度出發冇當自己是女人。
陳瀅在《愛美麗狂想曲》的性感演出,她用「李小勇」角度出發冇當自己是女人。



陳瀅認為「李小勇」是她演過最似自己的角色,「將陳瀅本身有嘅嘢乘咗10,演完後愈嚟愈似『李小勇』,我好記得有次同我班姐妹食飯,賴慰玲突然間話『陳瀅你搞咩?講嘢又粗魯又講粗口!』」佢咁講我突然叮一叮,我演完之後,樂小姐、兩個經理人、屋企人、朋友都叫我唔好咁麻甩,始終係女仔嘛!」

陳瀅坦言除了打扮,其實自己平日跟「李小勇」一樣麻甩。
陳瀅坦言除了打扮,其實自己平日跟「李小勇」一樣麻甩。
陳瀅早前拍《Tiger
陳瀅早前拍《Tiger's Talk》主動逗方力申,還大玩合巹交杯。



講到跟小方的緋聞,陳瀅再三強調只屬好朋友,《Tiger's Talk》訪問表現都怪「李小勇」影響,「點解令到人哋誤會我同佢有嘢,首先怪責我啦!我喺個訪問上玩得太過火,我會怪『李小勇』個角色,演完變咗好麻甩好大膽,完全唔顧面子,我就係用咗呢個態度去做訪問,拍完之後,伍姑娘(伍詠薇)都話『嘩!阿瀅你好犀利!』我真係怪『李小勇』,演到直情入咗骨,做完嗰個訪問知衰啦!係時候抽離啦!(小方誤會?)咁又唔會,我哋真係好friend。」



陳瀅坦承跟何猷亨分手後一直單身,對於屢傳收兵也覺無奈,「人哋成日話你好多兵,好多人追你,真係唔係,講極冇人信,講真如果我有拍拖,你哋點會咁多年冇影到,我拍拖唔會收收埋埋,我係好enjoy出街拖手同食飯。」至於擇偶條件,她竟怕呷醋唔揀圈中人,「先決條件個男仔要family man,理想對象好似阿Mo(陳豪);外型唔好太瘦就得,因我本身大隻;性格要穩定啲,唔好太過飄忽。圈中人我唔抗拒,但我應付唔到,同埋我好容易呷醋,如果男朋友like人哋啲相,會問『做咩like佢啲相』,如果佢畀到合理解釋就算,呢啲我好敏感,所以圈中人我未必得。」

去年陳瀅出席何鴻燊葬禮,一度被指跟前度何猷亨復合。
去年陳瀅出席何鴻燊葬禮,一度被指跟前度何猷亨復合。
加拿大返港接受隔離的陳瀅,每日收到不少禮物有指是追求者送。
加拿大返港接受隔離的陳瀅,每日收到不少禮物有指是追求者送。
其他文章
hd