首頁 即時娛樂

傳睇準形勢重返做「星夢一哥」 胡鴻鈞唔介意再同許廷鏗親密作戰

20/04/2021 21:00:00
「刀削面」胡鴻鈞歡迎跟舊密友許廷鏗再做同事。
「刀削面」胡鴻鈞歡迎跟舊密友許廷鏗再做同事。

被指係「刀削面」嘅胡鴻鈞(Hubert)今日到新城電台宣傳新歌《整親》,他更搞搞新意思,喺電台度派刀削麵及整親急救包畀DJ,嚟增加宣傳效果!Hubert笑稱,多年嚟大家對他評價,都係圍繞整容呢個話題,所以決定派刀削麵畀大家。因為有價值才會有人評論,唔介意被炒作。問到會否『削麵還父』叫朋友送麵畀爸爸?他笑言:「好呀!食完可以再送。」

 

已約滿星夢娛樂的Hubert新歌同樣在舊公司頻道上架,傳他「彈出」睇準形勢後,將會「彈入」繼續做「星夢一哥」,Hubert不否定傳聞:「仍然喺洽談階段,有待正式公布。」問到究竟係差咗啲乜?係咪要睇真啲,見機行事呢?他笑住解釋:「係我衰!太忙!」他又否認遲遲未動筆續約係要求高,要爭「一哥」之位,強調從來不在意:「哥前哥後三分險,我只想搵間唱片公司合作做自己嘅音樂,最重要係共同信任及有相同理念,『一哥』從來唔係我介意嘅問題。」

 

另外,有傳他前度密友許廷鏗有機會重返星夢娛樂,Hubert聲稱沒所謂,亦不是他控制範圍,最重要一齊做好音樂,他希望大家在香港樂壇都找到自己方向:「我好歡迎所有香港歌手,大家喺同一個家庭。」

胡鴻鈞落新城電台做宣傳,大派刀削麵及整親急救包給DJ。
胡鴻鈞落新城電台做宣傳,大派刀削麵及整親急救包給DJ。
有傳許廷鏗有機會重返星夢娛樂,Hubert聲稱沒所謂,亦不是他控制範圍。
有傳許廷鏗有機會重返星夢娛樂,Hubert聲稱沒所謂,亦不是他控制範圍。

橫掃今年勁歌總選多個獎項嘅Hubert竟強調,從來唔介意係咪做「星夢一哥」。
橫掃今年勁歌總選多個獎項嘅Hubert竟強調,從來唔介意係咪做「星夢一哥」。
胡鴻鈞唔介意係咪同周柏豪平分男歌手獎。
胡鴻鈞唔介意係咪同周柏豪平分男歌手獎。

胡鴻鈞新歌都係由舊公司星夢娛樂頻道上架。
胡鴻鈞新歌都係由舊公司星夢娛樂頻道上架。
胡鴻鈞由以前「四方面」變咗現在「刀削面」,多年來成為炒作話題。
胡鴻鈞由以前「四方面」變咗現在「刀削面」,多年來成為炒作話題。
其他文章
hd