首頁 即時娛樂

Edan同黃德斌冇情慾戲只錫面 AL想同日本《大叔的愛》劇組合作

21/04/2021 14:00:00
黃德斌、Edan及Anson Lo主演港版《大叔的愛》將於6月底播出。
黃德斌、Edan及Anson Lo主演港版《大叔的愛》將於6月底播出。

黃德斌、MIRROR成員Edan(呂爵安)、Anson Lo(AL、盧瀚霆)及Stanley(邱士縉)等人今日為港版《大叔的愛》拍攝海報,劇集將於6月底播出。談到德斌大爆有親密戲,會與Edan由廚房搞到去廁所,Edan就指二人最親密只是錫面:「我哋Sell青春喜劇,冇情慾戲,其餘時間都係欲拒還迎。」 AL即表示其角色阿牧好慘:「阿田(Edan角色名)好識利用人,阿牧畀佢利用咗成年呀,哈哈!」二人又明言想拍續集或電影版,因日版電影曾到香港取景,最理想是港日班底合作,不過AL擔心演技上會被比下去。

Edan和Anson Lo想拍續集或電影版,又想與日本班底合作。
Edan和Anson Lo想拍續集或電影版,又想與日本班底合作。
港版《大叔的愛》眾演員今日為劇集拍攝海報。
港版《大叔的愛》眾演員今日為劇集拍攝海報。


Edan最近好多廣告,他不諱言接了3、4個廣告都是男拍檔,包括與姜濤的快餐店廣告,相信劇集出街後會更多:「我恨同異性拍廣告㗎!不過怕醜,同男仔合作冇咁尷尬。」AL就踢爆Edan煞科後好冷淡,「佢唔覆短訊,又淨係黐實阿Jer(柳應廷)!」

Edan和Anson Lo外景拍攝時有親密戲。
Edan和Anson Lo外景拍攝時有親密戲。
Edan和Anson Lo夥拍隊友姜濤,拍攝快餐店廣告。
Edan和Anson Lo夥拍隊友姜濤,拍攝快餐店廣告。


此外MIRROR下月將舉行演唱會,對於有鏡粉買黃牛飛被騙8萬元,兩人再三呼籲:「希望Fans唔好幫襯黃牛,可以用其他方法嚟睇,我哋亦會出演唱會DVD。」AL更鬼馬表示:「可能下年初會喺更大的場地開騷呢!」

Edan同AL再次呼籲歌迷唔好買黃牛。
Edan同AL再次呼籲歌迷唔好買黃牛。
其他文章
hd