首頁 即時娛樂

【頭條獨家】陳家樂為抗疫電影勤練假笑 蘇麗珊陸永被導演高招○氹拍咀戲

22/04/2021 19:00:00
陳家樂、蘇麗珊和陸永在《總是有愛在隔離》中合作。
陳家樂、蘇麗珊和陸永在《總是有愛在隔離》中合作。

陳家樂、蘇麗珊(Cecilia)和陸永最近在香港十間電影公司聯手合拍的抗疫電影《總是有愛在隔離》中首度合作,雖然電影在疫情下拍攝,他們反而覺得更能體現大家群策群力精神。戲中家樂演酒店總經理,但事前竟然要苦練笑容;而蘇麗珊和陸永初次合演未婚夫妻,他們大讚導演陳嘉上○氹拍咀嘴戲夠高招。撰文:杜淑霞 攝影:譚壹致 髮型:Kenrick Siu 化妝:Khaki Yan 服裝:Tommy Hilfiger

戲中結尾陸永和Cecilia舉行婚禮,但他們最初冇預計有咀戲。
戲中結尾陸永和Cecilia舉行婚禮,但他們最初冇預計有咀戲。
家樂跟谷祖琳可愛囡囡劉悅演對手戲被冧爆。
家樂跟谷祖琳可愛囡囡劉悅演對手戲被冧爆。


由於電影分三組同時間拍攝,陳家樂最開心一套戲見晒幾年先見到的工作人員。不過在酒店同時拍攝也有一定難度,陸永說:「難度可能係我哋喺204號房拍緊,208號房要靜靜,再接住拍。」Cecilia補充,「緊接程度係A組cut,B組roll咁樣,大家係分秒必爭咁緊要,個氛圍係大家好落力去做一樣嘢,份團隊精神有啲亢奮。」

麻煩酒店住客陸永遇上黑面愛假笑的酒店總經理家樂。
麻煩酒店住客陸永遇上黑面愛假笑的酒店總經理家樂。
陸永呻跟蘇麗珊的對手戲大部份都是嗌交。
陸永呻跟蘇麗珊的對手戲大部份都是嗌交。



戲中家樂演酒店總經理,外表以禮待人,實則心地勁差,Cecilia形容是邪惡,家樂說:「對住啲咁煩嘅客,一行開就畀個黑面佢哋,導演話喺個心度用粗口鬧佢哋就得㗎啦!(陸:點知把口都講埋!)哈哈!冇講到嘅。呢個好快收番嘅笑要返去練,係陳嘉上導演建議我咁樣做,佢演咗一次畀我睇,好多時人哋話我唔笑都似有笑,要練到畀人覺得唔係喺度笑。」講到跟谷祖琳細女演對手戲,家樂勁冧,「佢係真天真,令我個心融化咗,記得有場戲未roll機佢喺度睇金魚『我鍾意呢隻色,你鍾意邊隻?』好冧!如果我有個(女)咁得意就好啦!」



Cecilia同陸永演一對準夫妻,為籌備婚禮經常有拗撬,「我有少少控制狂同強迫症,突然同我講搞唔到婚禮,佢又咩都唔幫手就勁鬧佢。」陸永笑指兩人嗌交戲為主,反而親密戲欠奉,「直情係冇,連攬都係哎吔嗰啲嚟,一路就鬧鬧鬧,係去到最尾真係婚禮warm啲。」所講的warm仲有咀嘴戲,陸永說:「嗰場我哋都唔知,陳嘉上導演話『咁多人睇你哋結婚咁開心,交換完戒指,你哋覺得點呀?我就認為咁樣好啲!』(陳:高手導演,佢一早有呢個構思,專登唔寫落去!)(蘇:導演永遠是對的嘛!其實都符合劇情)係呀!我哋又唔係法式咁,都係開開心心咁啫!」

其他文章
hd