首頁 即時娛樂

【頭條獨家】疫情下開竅持續做運動 葉童強健身體為工作做準備

22/04/2021 23:00:00
葉童在疫情下開竅持續做運動,認為強健身體可為未來工作做好準備。
葉童在疫情下開竅持續做運動,認為強健身體可為未來工作做好準備。

葉童在ViuTV劇《無限斜棟有限公司》飾演盧慧敏(Amy)媽咪,拋棄了對方多年再重遇,雖然戲份唔多,但母女間感情好複雜,戲份少更難演。她大讚Amy做足準備演得好,又自謙冇資格提點一班年青演員。她又透露疫情下工作量大減,終於開竅持續做運動,身體變健康,為未來工作做好準備。撰文:杜淑霞 攝影:譚壹致

葉童認為有健康身體,是做演員必須條件。
葉童認為有健康身體,是做演員必須條件。
葉童飾演「陳家晞」(盧慧敏飾)母親「林詠梅」。
葉童飾演「陳家晞」(盧慧敏飾)母親「林詠梅」。



講到演繹今次角色,影后葉童竟話被考起,「幾複雜幾難演,因為篇幅少,但牽涉20年感情,再見返個女時係好複雜,都大挑戰,事前準備功夫要做得好,都有睇晒個劇本先去拍。」她又讚戲中囡囡Amy,「佢做得好好,有種清新感覺,佢對媽媽嘅掛念,好憎佢唔理自己感覺,佢都做到出嚟。」講到提點新人,葉童竟然話:「我冇資格,梗係冇啦!每個角色都唔一樣,我又唔係佢個角色,我會輔助囉!都係老一派做嘅嘢,鏡頭見唔到都喺度,同佢交流番,感覺佢內心情緒未到,會同佢講多兩句我哋之間關係嘅內容。」

葉童跟盧慧敏有不少感情戲。
葉童跟盧慧敏有不少感情戲。
葉童出席《無限斜棟有限公司》開鏡儀式。
葉童出席《無限斜棟有限公司》開鏡儀式。




葉童坦承疫情令工作量大減,開始多做了運動,「上網睇做啲瑜伽伸展咁,坐得太耐覺得腰骨硬晒,好多年前我有做運動,有一輪停咗,再開始以為好易啫!我做過晒啦!但完全做唔到,又喘晒氣出晒汗,先發覺我曾經擁有嘅身體、機能、狀態,以為會一直擁有,原來係會消失,於是keep住做(運動)有大半年,𠵱家覺得好舒服啲筋鬆番啲。」她坦言這是疫情最大得着,「疫情關係,同自己相處時間多咗,開始思考以前冇諗過嘅嘢,譬如:點樣對自己係負責任番啲呢?從前好多事都係得過且過,唔係對自己咁好,作為演員好似未認真對待我演員工作,好似身體鍛鍊咁樣,應該係演員工作嘅一部份,就算唔係開工都應該keep住個身體健康,柔軟度都係需要,但我從來都忽略,聽日有動作戲,今次先拉吓筋郁吓,成日都係臨急抱佛腳,應該係持久地進行,今次我忽然之間開竅,知道原來成為一個演員應該要做啲乜嘢,我希望堅持之下,令將來演出更加自如啲,更加好啲。」

日前葉童(中)出席客串新戲《濁水漂流》首映禮。
日前葉童(中)出席客串新戲《濁水漂流》首映禮。
除了電影,葉童早前還參與舞台劇《死人的手機》。
除了電影,葉童早前還參與舞台劇《死人的手機》。
其他文章
hd