首頁 即時娛樂

【尋人記】囡囡9歲生日王浩信唔見影 陳自瑤親自布置派對做好媽媽

27/04/2021 23:24:00
陳自瑤為囡囡慶祝9歲生日,但卻未見王浩信蹤影。
陳自瑤為囡囡慶祝9歲生日,但卻未見王浩信蹤影。

陳自瑤(YoYo)同老公王浩信嘅夫妻關係成為網民談論話題,早前在TVB台慶頒獎禮上王浩信封視帝,所講嘅一番感言,竟然激罕多謝頻傳離婚,坐喺台下嘅太太陳自瑤:「多謝屋企人,多謝YoYo悉心照顧個女⋯⋯」點知YoYo「黑面」回禮,隨即被Cap圖洗晒社交網版,兩人婚姻狀況再被炒熱。

陳自瑤與王浩信嘅囡囡王靖喬(QQ)(27日)9歲生日,身為廿四孝媽咪嘅YoYo喺屋企為囡囡搞生日派對,仲好有心思咁買咗色彩繽紛氣球做裝飾,牆身更貼上「Happy birthday QQ(生日快樂)」的造型氣球,相當有心思,而YoYo身穿嘅天藍色衫仲襯晒氣球顏色。YoYo放咗相片及短片喺社交網分享歡樂,留言指囡囡係佢嘅小天使:「小寶貝生日快樂。」然而無論在照片還是短片,都未見王浩信蹤影,身為爸爸竟唔見影,亦冇畀Like或留言祝福,反而唔少圈中好友包括楊秀惠、黃翠如、朱晨麗、姚子羚及陳山聰都有祝賀。

陳自瑤係稱職媽咪,好有心思為囡囡搞生日派對。
陳自瑤係稱職媽咪,好有心思為囡囡搞生日派對。
牆身更貼上Happy birthday QQ。
牆身更貼上Happy birthday QQ。

YoYo買咗色彩繽紛氣球做裝飾。
YoYo買咗色彩繽紛氣球做裝飾。
近年陳自瑤與囡囡王靖喬相依。
近年陳自瑤與囡囡王靖喬相依。

王浩信工作較忙,少咗湊女。
王浩信工作較忙,少咗湊女。
陳自瑤同老公王浩信嘅夫妻關係,成為網民談論話題。
陳自瑤同老公王浩信嘅夫妻關係,成為網民談論話題。
王靖喬話咁快就九歲大啦,愈大愈靚女!
王靖喬話咁快就九歲大啦,愈大愈靚女!
被傳媒影到一家三口行街街,經已係6年前嘅事。
被傳媒影到一家三口行街街,經已係6年前嘅事。
早前王浩信在TVB台慶頒獎禮上封視帝,激罕多謝頻傳離婚嘅太太陳自瑤。
早前王浩信在TVB台慶頒獎禮上封視帝,激罕多謝頻傳離婚嘅太太陳自瑤。
YoYo卻「黑面」回禮,隨即被Cap圖洗版。
YoYo卻「黑面」回禮,隨即被Cap圖洗版。
兩公婆生女後,曾有過甜蜜日子,不時post相晒幸福。
兩公婆生女後,曾有過甜蜜日子,不時post相晒幸福。
其他文章
hd