首頁 即時娛樂

【好亂呀】食少碗飯都冇用 張敬軒貼林家謙張相扮減肥成功

30/04/2021 19:00:00
娛樂圈又多一對失散兄弟,點解可以咁似樣?
娛樂圈又多一對失散兄弟,點解可以咁似樣?

張敬軒早前與林家謙、馮允謙一齊開Live舉行線上音樂會《Live at Alberose》,當時軒仔特登戴上金絲眼鏡與家謙合唱,更搞笑表示「唔可以令廣大覺得我哋似樣嘅朋友失望」。昨日軒仔在IG上載其「側面相」並留言:「冇,見自己帶咗副眼鏡有返條腮骨線,po下咁啫。」更在Hashtag抵死指「我瘦返好多喇,嗱,咪話我肥,我同你死過我話你聽」。

軒仔Post家謙側面相扮係自己。
軒仔Post家謙側面相扮係自己。
兩個人連性格都似,講埋晒啲爛Gag又即席改歌詞。
兩個人連性格都似,講埋晒啲爛Gag又即席改歌詞。


不過大部分人都心水清,踢爆軒仔用家謙張相扮自己,相片本尊仲現身留言玩埋一份,「分不出真假的腮~骨 #怎相信人」,完美改編《酷愛》歌詞!軒仔都唔示弱,改編《一人之境》回覆家謙:「我呢排都盡量唔裝第二碗飯 #一個飯原來都可以盡興」,似乎有為減肥下苦功,兩人互搞爛Gag的無聊行為亦笑爆一眾網民!

軒仔同家謙就快玩到大家0氹0氹轉。
軒仔同家謙就快玩到大家0氹0氹轉。
軒仔早前與家謙及馮允謙一齊開Live。
軒仔早前與家謙及馮允謙一齊開Live。

其他文章
hd