首頁 即時娛樂

林作被Cut卡冇人養 裕美每月「供養」五位數唔怕被家暴

04/05/2021 10:00:00
裕美、林作與林媽媽關係仍未破冰。
裕美、林作與林媽媽關係仍未破冰。

裕美昨晚參與網上音樂會,她透露不會唱經典洗腦歌《搭錯車》:「有一年未表演過唱歌,不過今晚(昨晚)只會唱《雪映移城》。」講到男友林作的歌聲,她即笑道:「佢五音不全,歌聲又似細路!我成日嫌佢乸型唔夠Man,不過勝在有才華,同埋有安全感。」

裕美參與網上音樂會,但沒有唱經典歌《搭錯車》。
裕美參與網上音樂會,但沒有唱經典歌《搭錯車》。
裕美和林作依然愛得高調。
裕美和林作依然愛得高調。

林作日前打首場業餘拳賽,預備9月的「林鍾一戰」,最後以一分之差輸給19歲拳手黃明隽。裕美搞笑表示:「佢頸部同手臂拉傷,但唔會肉痛,因為我自己都想打佢!」她亦不怕林作會拳王上身家暴自己,「佢試吓打我呀!我實打死佢!林作都話唔敢撩交打,因為我養緊佢呀!」

林作(紅衣者)日前打首場業餘拳賽,以一分之差落敗。
林作(紅衣者)日前打首場業餘拳賽,以一分之差落敗。
林作及林媽媽。
林作及林媽媽。

裕美大爆目前收入比林作高幾倍:「拍拖之後林作媽咪Cut咗佢啲信用卡,佢冇人養,通常出街都係我畀錢。有時係佢畀,不過佢會問我拎返錢,好孤寒㗎!(每月畀幾多零用錢林作?)都有5位數字!不過佢有幫我間珠寶網店做簡單法律諮詢,當投資囉,或者將來喺佢身上掠一筆呢,哈哈!」她又笑指林作的性格是遺傳自林媽媽:「佢媽咪會用幾百萬買名牌手袋,但搭的士找少兩蚊都要攞返,可能啲錢都係積少成多!」

林作及鍾培生早前宣布,二人的拳賽暫定在9月舉行。
林作及鍾培生早前宣布,二人的拳賽暫定在9月舉行。
其他文章
hd