首頁 即時娛樂

【頭條獨家】家人打晒疫苗放心行開 喬寶寶又返咗香港搵錢

04/05/2021 19:54:00
喬寶寶家人打晒疫苗,他可以安心返港搵食。
喬寶寶家人打晒疫苗,他可以安心返港搵食。

印度裔香港人喬寶寶上月23日三代同堂,好開心咁慶祝51歲生日。原來喺蘇格蘭小住咗大半年嘅寶寶又「身痕」,日前悄悄返港,待完成21日隔離期就開工。寶寶說:「我全家都打咗疫苗,見細仔同打咗針嘅老媽子都冇乜副作用,我先放心離開佢哋一陣,返嚟搵吓食,趁可以郁動到,都唔想提早十年退休。」採訪:方騫平

喬寶寶趁仲有氣力,又返咗香港準備開工喇,𠵱家喺酒店隔離中。
喬寶寶趁仲有氣力,又返咗香港準備開工喇,𠵱家喺酒店隔離中。
兒子及新抱話寶寶太肥,今年生日送咗部樓梯機畀佢減肥。
兒子及新抱話寶寶太肥,今年生日送咗部樓梯機畀佢減肥。

身處香港一間酒店隔離中嘅喬寶寶,好快又同香港觀眾見面。他表示,𠵱家英國疫情算係受控,50歲以上嘅中老年人,同埋長期病患亦優先處理晒,𠵱家去到40歲群組:「所以我哋一家人都打晒針,包括行動不便嘅細仔,而大仔係照顧者都係優先類別,不過,喺今年一月未接種前,住喺里斯達城嘅家姐、姐夫、外甥兩公婆及外甥子女,全家都中咗招,姐夫病足10日,辛苦到連嘢都講唔到。」

喬寶寶今年三代同堂齊過生日好開心。
喬寶寶今年三代同堂齊過生日好開心。
仲有老婆餵食生日蛋糕,甜到入心。
仲有老婆餵食生日蛋糕,甜到入心。

印度家人大部分已移民
喬寶寶雖然有高膽固醇,但打疫苗前都唔驚得咁多:「我同老婆分別出現手臂痛、發冷及發燒情況,休息咗3日就冇事,反而細仔及媽媽打唔同牌子疫苗就冇乜副作用。」提到印度疫情嚴峻,確診人數不斷上升,寶寶嘅親人經已移居加拿大同英國,只有一啲鄉里及老婆親人仲留喺印度北部旁遮普邦,所以好少返去:「相比起印度中南部,疫情嚴重好多,屍體多到排隊燒都燒唔切!冇辦法啦,啲人危險意識冇咁強,大多數唔戴口罩,宗教又多,政府又鬆懈,成個印度打到兩針疫苗嘅佔人口都唔夠2%,所以自3月出現變種病毒後,情況一發不可收拾。我老婆有個30幾歲親人就咁樣『到頂』,𠵱家真係要打咗疫苗先可以救到命,好似鄰國不丹咁,超過9成18歲以上嘅人口都打咗針,佢哋暫時得1單死亡事件。」

打完冠狀病毒疫苗,寶寶出現發冷狀況,要保持量度體溫。
打完冠狀病毒疫苗,寶寶出現發冷狀況,要保持量度體溫。
住喺里斯特城嘅寶寶家姐、姐夫、外甥兩公婆今年一月中招,3月尾康復後全家到蘇格蘭探喬寶寶及媽媽。
住喺里斯特城嘅寶寶家姐、姐夫、外甥兩公婆今年一月中招,3月尾康復後全家到蘇格蘭探喬寶寶及媽媽。
寶寶在蘇格蘭經營的印度餐館於上月26號重開,但室內仍然唔畀飲酒,好彩生意都過得去,至少唔使蝕。
寶寶在蘇格蘭經營的印度餐館於上月26號重開,但室內仍然唔畀飲酒,好彩生意都過得去,至少唔使蝕。
其他文章
hd