首頁 即時娛樂

【頭條獨家】靠41吋逆天長腿撐住 前Dusty Bottle主音Kerryta單飛出歌再戰樂壇

06/05/2021 08:45:00
前樂隊Dusty Bottle主音Kerryta唔止唱得好,仲有41吋誘人長腿。
前樂隊Dusty Bottle主音Kerryta唔止唱得好,仲有41吋誘人長腿。

新冠肺炎疫情下,演藝界等多個行業大受影響,尤其樂隊及組合有錢要齊齊分,就更加難捱。成立咗兩年嘅5人樂隊Dusty Bottle,去年10月出完歌曲《Paradise》後決定分道揚鑣,各自出發。小休幾個月後,環球唱片為主音Kerryta以個人姿態單飛再出道,首支個人作品《心野》將於明天(7日)面世。Kerryta有得留低,除咗擁有一把磁性嘅聲線,能展現性感女人味外,仲有一條41吋逆天長腿,可以撐得住種種難關,相當吸睛。

Kerryta新歌《心野》展現性感女人味。
Kerryta新歌《心野》展現性感女人味。
Kerryta單飛後第一首作品《心野》明天(7日)推出。
Kerryta單飛後第一首作品《心野》明天(7日)推出。

《心野》以Neo Soul風格為骨幹,能突出Kerryta性感女人味嘅特質:「當收到demo時就畀歌曲嘅節奏感及旋律所吸引。始終係首支個人主打歌,感覺既新奇又興奮。」提到歌詞內容以女性角度出發,講出喺愛情關係中由女性做主導,對於「女追男」,Kerryta表示支持:「雖然我未試過女追男,但女性主動爭取自己鍾意嘅事有乜唔妥?我覺得女性可以有更多主導自己內心想法嘅權利,現今社會女性唔會忌諱表達自己嘅想法,可以勇於嘗試新事物,男仔甚至可以化身drag queen,去化妝、戴假髮,好自信咁展現自我。」


講到有吸睛長腿,Kerryta信心滿滿說:「我168cm高,對腳41吋,呢個身形比例腿算係長嘅,不過覺得自己可以再高啲,170cm就滿意喇!」

環球唱片旗下樂隊Dust Bottle夾咗band兩年,可惜都要各自發展。
環球唱片旗下樂隊Dust Bottle夾咗band兩年,可惜都要各自發展。
Kerryta豐滿身材都係亮點。
Kerryta豐滿身材都係亮點。

Kerryta成日行山keep fit。
Kerryta成日行山keep fit。
其他文章
hd