首頁 即時娛樂

【叫聲好慘烈】阿Dee氣球塞下體玩爆破 193上載《自肥》「無碼」片送佢一程

06/05/2021 13:00:00
阿Dee好慘呀,隔住張相都聽到聲咁呀。
阿Dee好慘呀,隔住張相都聽到聲咁呀。

ViuTV昨晚播出《ERROR自肥企画》第三集,重演《花姐ERROR遊》其中一集「ERROR流忍者」的造型。因為阿Dee(何啟華)要出席電影宣傳,由被指同阿Dee撞樣的陳海寧(Isabella)代他拍攝。遊戲玩法係Isabella、肥仔(梁業)和193(郭嘉駿)做忍者,要用航拍機刺穿6個氣球,惡鬼保錡則要擊落航拍機保護氣球。

阿Dee下體被塞入氣球泵氣。
阿Dee下體被塞入氣球泵氣。
電視版有打格。
電視版有打格。


三位忍者起初用航拍機拮穿多個氣球,令保錡爆粗,不過眾人之後似乎輕敵,保錡擊落193的航拍機,更打到粉碎;肥仔的航拍機同樣難逃一劫。不過ERROR繼續玩冇底線,落敗的忍者隊要接受懲罰,阿Dee完成宣傳工作後被隊友和工作人員捉實,接受「忍術制裁」,即是只穿上三角底褲和襠布,然後塞入氣球泵氣!阿Dee不斷慘叫,眾人就瘋狂爆笑,193仲大聲話:「你未試過咁大抽㗎。」

電視播出版本已打晒格,但觀眾已經睇到好肉緊,昨晚193就送阿Dee一程,在社交網上載「無碼」片段,徹底摧毀阿Dee形象!阿Dee也表示:「上世做錯事,今世ViuTV」,好慘呀!

阿Dee事後痛苦跪地。
阿Dee事後痛苦跪地。
阿Dee將相片加上黑白Effect先上載社交網。
阿Dee將相片加上黑白Effect先上載社交網。

Isabella當日代阿Dee拍攝。
Isabella當日代阿Dee拍攝。
Isabella、肥仔和193要用航拍機擊落6個氣球。
Isabella、肥仔和193要用航拍機擊落6個氣球。
惡鬼保錡則要整爛航拍機,保護氣球。
惡鬼保錡則要整爛航拍機,保護氣球。
忍者隊疑似輕敵最後落敗。
忍者隊疑似輕敵最後落敗。
阿Dee當日要出席電影《金手指》宣傳。
阿Dee當日要出席電影《金手指》宣傳。
其他文章
hd