首頁 即時娛樂

【頭條獨家】《疫後冲遊》冬蔭妹繼續晒身材 胡慧冲烈日下拍攝曬燶腳

06/05/2021 22:17:00
「泰國通」胡慧冲主持嘅《疫後冲遊》加重料,冬蔭妹將繼續晒身材。
「泰國通」胡慧冲主持嘅《疫後冲遊》加重料,冬蔭妹將繼續晒身材。

疫情下冇得出外旅行,觀眾對旅遊節目需求更大,「泰國通」胡慧冲(Roger) 的《冲遊》系列第六輯《疫後冲遊》成為J2台重點節目。新一輯唔止提供疫情後泰國嘅新資訊,仲會加重料,如加多咗好拍檔冬蔭妹着泳裝,大晒32C上圍及39吋長腿片段。胡慧冲笑說:「雖然冇靚仔睇啫,但都有靚女、靚衫、靚景睇呀!」睇咗當去咗,所以觀眾反應唔錯。採訪:方騫平

胡慧冲同冬蔭妹齊拍嘅《疫後冲遊》現已於J2台播出。
胡慧冲同冬蔭妹齊拍嘅《疫後冲遊》現已於J2台播出。
冬蔭妹喺布吉島負責介紹酒店,仲喺池邊大晒32C、26、36身材。
冬蔭妹喺布吉島負責介紹酒店,仲喺池邊大晒32C、26、36身材。

《疫後冲遊》現安排於J2台,逢星期一、二、四及五晚九時半播出。今次胡慧冲拍足兩個月,分別去咗曼谷、曼谷旁邊嘅佛統府、巴堤雅、布吉島取景,介紹一吓疫情下經營嘅特式餐廳、staycation酒店等、仲會探討吓港人熟悉嘅旅遊蒲點翟度翟weekend Market丶唐人街、昔日著名夜市Neon Night Market等最新狀況和逆市求存方法。

今次節目要求好高,就算冬蔭妹嘅泳衣都盡量件件新款,要畀大家有新鮮感。
今次節目要求好高,就算冬蔭妹嘅泳衣都盡量件件新款,要畀大家有新鮮感。
泰國疫情第二波過後,大家都出外搵食,小販割價求存吸客,街邊打邊爐不設時限,任食都係一百多銖(45港幣)一位!
泰國疫情第二波過後,大家都出外搵食,小販割價求存吸客,街邊打邊爐不設時限,任食都係一百多銖(45港幣)一位!

為做節目係咁病

因為拍攝時正值喺疫情緩和時候,跟現況有啲出入,胡慧冲笑說:「唔緊要啦,睇咗當去咗!」他又透露樣靚身材正嘅冬蔭妹,今次再玩盡啲,唔止喺酒店暢泳,仲會扮醜樣、用廣東話跟他互寸,好有火花:「自從拍完比較嚴肅嘅節目《你還好嗎?》後,我患咗『對白NG症』,呢個症狀帶埋嚟呢個節目度,尤其同冬蔭妹一人一句講廣東話,第一集開頭NG咗接近100次。」問到係咪畀冬蔭妹噴血身材影響分咗心?他笑住否認:「唔會喇!我喺現場要兼顧咁多嘢,點會𥄫佢身材呀!而且合作咗六輯,冇呢啲諗頭。」不過,Roger今次對自己要求多咗,仲拍到曬燶咗雙腳,更因頻頻出入一冷一熱地方搞到病咗3次:「疫情下唔知幾時通到關,但最重要觀眾睇得開心,尤其𠵱家TVB綜藝節目由『掌門人』曾志偉揸fit,佢最鍾意娛樂同歡笑,將旅遊節目搞得開開心心咪好囉。」

曼谷新開飛機咖啡店,乘客可以租用機師及空中小姐制服影相。
曼谷新開飛機咖啡店,乘客可以租用機師及空中小姐制服影相。
最後一集嘅最後一個環節中,胡慧冲及冬蔭妹變身成60年代蝙蝠俠及神奇女俠。
最後一集嘅最後一個環節中,胡慧冲及冬蔭妹變身成60年代蝙蝠俠及神奇女俠。
喺猛烈太陽下出外景,Roger拍到大汗淋漓,仲曬燶雙腳,痛足10日。
喺猛烈太陽下出外景,Roger拍到大汗淋漓,仲曬燶雙腳,痛足10日。
胡慧冲為做節目係咁病,三次出入醫院。
胡慧冲為做節目係咁病,三次出入醫院。
自從拍完比較嚴肅嘅節目《你還好嗎?》後,胡慧冲患咗「對白NG症」,尤其同冬蔭妹一人一句講廣東話,NG咗接近100次。
自從拍完比較嚴肅嘅節目《你還好嗎?》後,胡慧冲患咗「對白NG症」,尤其同冬蔭妹一人一句講廣東話,NG咗接近100次。
其他文章
hd