首頁 即時娛樂

【中文名古晉匡】感恩囝囝不停嗌媽媽 古巨基:將來兩父子拍住照顧好這女人

09/05/2021 15:51:00
雖然阿仔唔受基仔哄係要搵媽媽,但基仔很開心。
雖然阿仔唔受基仔哄係要搵媽媽,但基仔很開心。

古巨基太太Lorraine前年年底誕下兒子Kuson,今年已是古太第二個母親節。基仔在社交網上載太太正忙開會,他於是負起氹囝囝午睡責任時,囝囝不停指住房門外嗌媽媽!基仔未有呷醋,還溫柔說:「你錫媽媽我就開心啦!成日叫住媽媽幾冧!」事後他把片段給太太看,Lorraine當然冧到漏。
基仔留言:「Kuson在叫媽媽,但我的心覺得非常sweet~我是一個大男人,我覺得做男仔的一定要最錫最照顧好屋企嘅女人!從Kuson的叫聲我就可以肯定,佢第時大個一定會好錫好緊張媽媽,將來兩父子拍住檔保證妥妥的照顧好家中這個女人~」,百分百的好老公!另外,古仔還公開Kuson的中文名「古晉匡」。

基仔聽到囝囝不停叫媽媽,開心到不得了。
基仔聽到囝囝不停叫媽媽,開心到不得了。
古太完成工作後睇返條片,都冧到漏。
古太完成工作後睇返條片,都冧到漏。


古巨基留言:
事緣Kuson在床上準備午睡,
忽然很想找媽媽,
但媽媽正在開視頻會議。
最後由爸爸哄睡,
媽媽事後看片冧到漏~

你們記不記得小時候有事沒事都會叫誰?
叫爸爸還是媽媽比較多?
長大以後又有多久沒開口叫叫他們?

Kuson在叫媽媽,
但我的心覺得非常sweet~
我是一個大男人,
我覺得做男仔的一定要最錫最照顧好屋企嘅女人!
從Kuson的叫聲我就可以肯定,
佢第時大個一定會好錫好緊張媽媽,
將來兩父子拍住檔保證妥妥的照顧好家中這個女人~

今日媽媽節,
大家不妨試下像小時候那樣走到媽媽身邊,
有事沒事咁叫幾聲媽媽,
重演一下那小時被爸媽愛錫的自己~

祝我的媽媽、
我個仔的媽媽、
我個仔的媽媽的媽媽,
和世上所有充滿愛的媽媽們,
母親節快樂❤️❤️

其他文章
hd