首頁 即時娛樂

【有驚喜】三歲兒子送DIY飾物 孫慧雪:開心過收鑽石

09/05/2021 19:28:00
囝囝獻吻兼送禮物𠱁到雪雪開心大笑,但記者郤驚人發現,雪雪屋企真係幾亂吓。
囝囝獻吻兼送禮物𠱁到雪雪開心大笑,但記者郤驚人發現,雪雪屋企真係幾亂吓。

孫慧雪在母親節前夕,喺個人社交網上載咗一段短片開心share,片段中她的3歲兒子Riley,彈彈跳送上自製嘅頸鍊及手鍊作為母親節禮物,不過,記者卻驚見雪雪屋企客廳亂七八嘈,唔知係咪工作太忙冇乜時間執拾呢?

片中Riley送上DIY手飾畀媽咪,送完頸鍊到手鍊,真係驚喜不絕,襯足一套㗎!而旁邊爸爸羅天彥不停講英文提點Riley向媽媽送吻及要講乜嘢說話,最後兒子當然做足,親吻後並對媽媽說聲:「母親節快樂。」

兒子除了DIY禮物外,Riley更親手畫了一張母親節賀卡,卡上畫咗個心型,仲放咗五顏六色嘅顏色紙嚟做點綴,勞作算合格,惟一其中有張粉藍色彩紙貼咗出界,而寫住「MOM LOVE YOU」嘅都好盡力,仲有埋畫功𠻹!難怪孫慧雪開心表示,「開心過收鑽石,多謝Riely。」

雪雪彎身戴上兒子自製頸鍊。
雪雪彎身戴上兒子自製頸鍊。
睇吓媽咪個樣幾享受。
睇吓媽咪個樣幾享受。

仲有埋手鍊,襯晒一套。
仲有埋手鍊,襯晒一套。
最後獻吻。
最後獻吻。

阿仔送畀雪雪嘅母親節賀卡。
阿仔送畀雪雪嘅母親節賀卡。
好花心思寫呢幾隻字㗎!
好花心思寫呢幾隻字㗎!
當然代爸爸送埋花束。
當然代爸爸送埋花束。
Riley真係大得好快呀!
Riley真係大得好快呀!
其他文章
hd