首頁 即時娛樂

《膠戰》主持舉燈牌為呂爵安打氣 七仙羽想送能量塔畀姜濤助體能

10/05/2021 00:39:00
《膠戰》主持人、七仙羽師傅同MIRROR齊過母親節,而部份撲唔到飛嘅粉絲,只好舉家嚟門口感受吓氣氛。
《膠戰》主持人、七仙羽師傅同MIRROR齊過母親節,而部份撲唔到飛嘅粉絲,只好舉家嚟門口感受吓氣氛。

人氣男團MIRROR昨晚在Star Hall舉行第4場《MIRROR ONE & ALL LIVE 2021》演唱會,岑珈其、魏浚笙、徐浩昌(肥腸)、黃正宜(阿正)及劉沛蘅力撐一齊主持遊戲節目《膠戰》嘅呂爵安(Edan),仲帶埋燈牌到場造勢,引起現場哄動;而呢期當旺嘅七仙羽師傅也同樣引爆粉絲爭相集郵;另外捧場客還有藝人應智越。

七師傅肉赤姜濤體力不支暈倒
七師傅向來「鍾情」ERROR成員保錡,原來對姜濤也痛愛有加,她自爆原本準備了一座能量金字塔贈予姜濤作加持,因姜濤經常冇時間進食,早前綵排更體力不支暈倒,但由於一座需花半年時間製成,沒有足夠存貨送給其他11子,為免被指偏心無奈作罷。

鏡粉舉家睇騷度過難忘母親節
適逢是母親節,有人舉家到場,亦有撇甩媽媽與朋友前來睇騷、不過仍有鏡粉心繫媽咪。梁生、梁太與一對分別8歲及5歲的兒女、一家四口聯同契媽前來,但並非入場欣賞;梁生指很欣賞姜濤,太太就喜歡Ian,一對小朋友就喜歡12子,大讚MIRROR肯克服和面對自己的缺點、堅持的改變自己,這種精神很值得小朋友學習;但奈何買不到門票,改為用2千多元買紀念品慶祝母親節。同屬Ian粉絲的何小姐與張小姐表示一班粉絲得知開騷即用了5位數字為偶像佈置裝飾造勢,而演唱會門票則要大打友情牌才撲得到,因此同樣喜歡Ian的媽咪就沒有飛,令今個母親節都有點不開心,惟有早上陪媽咪食飯慶祝,演唱會期間多拍偶像的照片做母親節禮物。

岑珈其、魏浚笙、肥腸、阿正及劉沛蘅帶埋燈牌入場,力撐一齊主持遊戲節目《膠戰》嘅呂爵安。
岑珈其、魏浚笙、肥腸、阿正及劉沛蘅帶埋燈牌入場,力撐一齊主持遊戲節目《膠戰》嘅呂爵安。
「細貓」應智越都嚟捧場。
「細貓」應智越都嚟捧場。

《膠戰》主持人受歡迎得被粉絲圍住。
《膠戰》主持人受歡迎得被粉絲圍住。
七仙羽師傅也同樣引爆粉絲爭相集郵。
七仙羽師傅也同樣引爆粉絲爭相集郵。

七仙羽師傅肉赤姜濤成日辛苦到暈。
七仙羽師傅肉赤姜濤成日辛苦到暈。
何小姐與張小姐用了5位數字為偶像佈置裝飾造勢。
何小姐與張小姐用了5位數字為偶像佈置裝飾造勢。
梁生、梁太與一對分別8歲及5歲的兒女、一家四口聯同契媽前來買紀念品,因為撲唔到飛冇得入場。
梁生、梁太與一對分別8歲及5歲的兒女、一家四口聯同契媽前來買紀念品,因為撲唔到飛冇得入場。
MIRROR昨晚喺Star Hall舉行第4場演唱會,反應依然熱烈。
MIRROR昨晚喺Star Hall舉行第4場演唱會,反應依然熱烈。
姜濤愈唱愈強,好有鬥志。
姜濤愈唱愈強,好有鬥志。
岑珈其、阿正、劉沛衡、肥腸主持過遊戲節目《膠戰》,同Edan好老友。
岑珈其、阿正、劉沛衡、肥腸主持過遊戲節目《膠戰》,同Edan好老友。
其他文章
hd