首頁 即時娛樂

母親節開騷冇得慶祝 花姐獲MIRROR獻花兼合唱補數好sweet

10/05/2021 16:55:00
花姐獲MIRROR補數慶祝母親節冧晒!
花姐獲MIRROR補數慶祝母親節冧晒!

MIRROR於昨日母親節舉行第4場《MIRROR ONE & ALL LIVE 2021》演唱會,完騷後即不忘與視為母親的經理人黃慧君(花姐)慶祝節日,感激對方近3年來的照顧,12子齊齊向花姐獻花及合唱《世上只有媽媽好》,○氹得花姐大呼好開心,並轉發邱士縉(Stanley)拍下的這一幕片段寫下:「愛你們,謝謝你們給我的一切」。

身為經理人的花姐,晚晚要在場館打躉。
身為經理人的花姐,晚晚要在場館打躉。
12子齊齊向花姐合唱《世上只有媽媽好》。
12子齊齊向花姐合唱《世上只有媽媽好》。

花姐再感動的在社交網上載花束照,並留言:「今年冇辦法同媽咪過母親節,冇機會同大小B一齊,出門口時,心裡面諗,今日大家如果同我講『母親節快樂』可能只會帶俾(畀)我一種遺憾。最終係(喺)IG,係(喺)會場我收到大家嘅祝福,我先領會到,大家嘅出現填補左(咗)我嘅缺口,令我感覺溫暖,多謝你地(哋)。MIRROR好多謝你地(哋)嘅花,雖然有d老土,不過好sweet。過去兩年幾,同你地經歷左(咗)好多,有喜有悲,以後希望可以繼續陪你地(哋)成長,見證你地(哋)達成夢想嘅時刻。愛你們,愛你們,愛你們」。而Lokman和Anson Kong就被鏡粉在花墟野生捕獲負責買花。

MIRROR都有獻花給花姐。
MIRROR都有獻花給花姐。
花姐與12個囝囝合作近3年感情深厚。
花姐與12個囝囝合作近3年感情深厚。

其他文章
hd