首頁 即時娛樂

【頭條獨家】大讚熟男馬德鐘好正 陳瀅享受被保護唔介意忘年戀

10/05/2021 21:36:00
陳瀅直言擇偶不限年齡,最緊要另一半夠Man、可依靠,仲大讚馬神愈成熟愈正!
陳瀅直言擇偶不限年齡,最緊要另一半夠Man、可依靠,仲大讚馬神愈成熟愈正!

31歲的「宅男女神」陳瀅入行以來緋聞不絕,自2016年跟賭王何鴻燊四房兒子何猷亨分手後,有傳她獲41歲「鑽石筍盤」方力申(小方)力追,去年二人更於J2節目《Tiger's Talk》搞曖昧,令外界以為小方得米!見事件鬧大,自知玩過火的陳瀅即澄清只屬好友,但坦言再拍拖會以結婚為前提。講到擇偶,近日於無線劇《伙記辦大事》中,跟52歲馬德鐘(馬神)玩忘年戀的她,直言年齡差距不是問題,最緊要另一半夠Man、可依靠,仲大讚馬神愈成熟愈正!撰文:黎寶倫攝影:張詠森服裝:BESPOKED ian chang眼鏡:Hugo Boss化妝:許智華髮型:Sue [email protected] Festival Walk

陳瀅直言好慶幸跟馬神合作,並謂與對方合作好大滿足感。
陳瀅直言好慶幸跟馬神合作,並謂與對方合作好大滿足感。
陳瀅慶幸今次拍《伙記辦大事》冇傳緋聞,全因對手均有伴侶,所以拍得好舒服。
陳瀅慶幸今次拍《伙記辦大事》冇傳緋聞,全因對手均有伴侶,所以拍得好舒服。


陳瀅於《伙》劇飾演物流公司太子女,周旋於前度楊明和「戴律師」馬德鐘之間,當中她與相差21年的馬神更上演水底激吻戲。日前接受《頭條日報》訪問時,坐在馬神身邊的陳瀅賣口乖說:「今次有兩個男神陪伴……都唔係,男神得一個,講錯,掌嘴!Ex唔要啦,梗係要正啲㗎啦,我同馬神嘅關係好成熟,經過好多考驗。」馬神即笑稱見到對方「人又靚、性格又開朗」也生情愫,不過他只是講緊角色、劇情而已。

不拘年齡
現實中,細細個就煲《衝上雲霄》的陳瀅繼續讚對方:「佢愈嚟愈靚仔囉,做記招都忍唔住望佢。」問可覺熟男較吸引?她說:「咁一定係,穩重啲嘛。(揀對象可接受差幾多歲?大10年嘅方力申OK?)我覺得感覺最重要,細過我、大過我都試過,冇Limit。」那麼揀成熟型馬神定運動型小方?陳瀅坦言:「我都幾享受俾人保護嘅感覺,見到我有難題會自動幫我解決,即係好Man、可依靠嘅男人。(遇到未?)如果遇到我應該結咗婚。」

得悉陳瀅已連踩數日,馬神即主動提出先拍後輩的戲份,十分窩心。
得悉陳瀅已連踩數日,馬神即主動提出先拍後輩的戲份,十分窩心。
31歲陳瀅與大21歲的馬神於無綫劇《伙記辦大事》有感情線。
31歲陳瀅與大21歲的馬神於無綫劇《伙記辦大事》有感情線。


拒絕LONG D
談到角色是從影以來最複雜、最多層次,陳瀅感激馬神帶她入戲,令其演技成熟不少;馬神表示,雖然二人於《跳躍生命線》對手戲不多,但在片場也留意到陳瀅,「淨係聽佢同羅蘭姐演戲嘅聲,已覺得佢演得好好、好有心機,今次更加覺得佢好聰明、反應快、理解能力好好,有時仲提點番我,哈哈!」問可覺超惹緋聞的陳瀅電力強勁?他說:「呢啲對手好好,唔麻煩、唔需要我湊,好認真工作。有時對住新演員唔敢提點咁多,可能一講佢哋就『嘖!使鬼你教咩』。(有教兒子馬在驤?)喺屋企對對白都有。」笑問可會考慮「嫩版馬神」?陳瀅打趣道:「我有講笑咁問過佢攞囝囝張相睇吓。(得?)梗靚仔啦,但Long D唔得。」

馬神最難忘於凌晨兩點,與陳瀅捱凍拍落水戲份,他笑稱當時有相依為命的感覺。
馬神最難忘於凌晨兩點,與陳瀅捱凍拍落水戲份,他笑稱當時有相依為命的感覺。
陳瀅於《Tiger
陳瀅於《Tiger's Talk》大讚小方心地、外型都很好,直認是其理想對象。
樣靚身材正的陳瀅是「宅男女神」,入行以來緋聞不絕。
樣靚身材正的陳瀅是「宅男女神」,入行以來緋聞不絕。
早年與馬神合拍劇集《跳躍生命線》時沒太多對手戲,大感失望的陳瀅已盼有機會演情侶。
早年與馬神合拍劇集《跳躍生命線》時沒太多對手戲,大感失望的陳瀅已盼有機會演情侶。
陳瀅稱細細個就煲馬神與吳鎮宇、陳慧珊等主演的經典劇《衝上雲霄》。
陳瀅稱細細個就煲馬神與吳鎮宇、陳慧珊等主演的經典劇《衝上雲霄》。
曾於《M Club》飾演少女版陳慧珊(Flora)的陳瀅,獲馬神大讚有Flora的影子。
曾於《M Club》飾演少女版陳慧珊(Flora)的陳瀅,獲馬神大讚有Flora的影子。
馬神與兒子馬在驤在新劇《我家無難事》雖沒同場戲份,但在家對戲時發現囝囝頗有潛質。
馬神與兒子馬在驤在新劇《我家無難事》雖沒同場戲份,但在家對戲時發現囝囝頗有潛質。
歐陽震華(右五)和陳瀅(右四)昨於30度高溫下穿長袖外套,與《伙記辦大事》一眾演員為劇集做宣傳。
歐陽震華(右五)和陳瀅(右四)昨於30度高溫下穿長袖外套,與《伙記辦大事》一眾演員為劇集做宣傳。
其他文章
hd