首頁 即時娛樂

踩入影壇同老公客串《遺愛》 鍾舒祺獻聲主題曲盡顯柔情一面

12/05/2021 22:30:00
Sukie為電影《遺愛》獻唱主題曲《Dream All Dreams》。
Sukie為電影《遺愛》獻唱主題曲《Dream All Dreams》。

歌手鍾舒祺(Sukie)近日踩入影壇,為馮智恒執導的電影《遺愛》客串外,更獻聲電影主題曲《Dream All Dreams》。日前拍攝《Dream All Dreams》MV時,外表野性剛烈的Sukie又感性剖白內心對親情的重視,盡顯柔情一面,她說:「我喺屋企嘅角色係長期講笑,令到屋企嘅氛圍好輕鬆,希望父母會感受到我點樣投入屋企。屋企人從來都係最緊要,雖然自己唔係好識表達心入面嘅愛,唔係一個隨便講得出『我愛你』、『我掛住你』嘅人,不過我學習緊以行動去表達自己,會成日迫自己去做呢啲肉麻嘢,有時講完『我愛你』自己都會打冷震。其實日日都係母親節,最緊要日日都一樣咁錫媽咪!」

Sukie感性剖白內心對親情的重視,盡顯柔情一面。
Sukie感性剖白內心對親情的重視,盡顯柔情一面。
Sukie老公於MV中伴奏。
Sukie老公於MV中伴奏。


談到此曲由劉以達作曲及編曲,並由三奪香港電影金像獎最佳原創電影歌曲的陳心遙填詞,錄音前,Sukie亦特別了解電影中角色的動人故事,她表示:「我相信每個年輕人都會有自己夢想,尤其每個女仔都會期盼未來,去追尋幸福,不過現實環境可能令佢哋被迫放棄,好似電影入面陳漢娜同陶禧玲兩個角色咁,本性善良仲愛旁人多過愛自己,好彩電影入面有鄭中基呢個大哥哥守護住佢哋!而我喺現實生活中,就多得我老公一直喺身邊不離不棄,今次更加孖住客串呢部電影,完全係形影不離!」

Sukie為馮智恒執導的電影《遺愛》客串。
Sukie為馮智恒執導的電影《遺愛》客串。
電影《遺愛》由鄭中基(右)及陳漢娜等主演。
電影《遺愛》由鄭中基(右)及陳漢娜等主演。

其他文章
hd