首頁 即時娛樂

三點式慶生冇求婚 湯洛雯爆馬明首去Staycation

17/05/2021 11:00:00
靚湯生日同馬國明去Staycation好盡興。
靚湯生日同馬國明去Staycation好盡興。

湯洛雯(靚湯)及蕭正楠的新劇《一笑渡凡間》下周一(24日)首播,二人昨晚在《開心大綜藝》表演短劇宣傳。問到蕭正楠驚唔驚要即場爆肚?他笑笑口說不怕,但一旁的靚湯笑言驚爆粗,阿蕭即指:「佢要即場發揮,講四、五個字嘅對聯,如果到時不慎爆粗就好笑,相反我就大鑊。」

靚湯及《一笑渡凡間》眾演員上《開心大綜藝》宣傳新劇。
靚湯及《一笑渡凡間》眾演員上《開心大綜藝》宣傳新劇。
靚湯指自己是着一件頭泳衣做Spa。
靚湯指自己是着一件頭泳衣做Spa。

本月6日是靚湯的34歲生日,她正日與男友馬國明到酒店staycation慶祝。說到她大晒三點式靚相好性感,靚湯透露其實泳衣是一件頭,蕭正楠搞笑表示:「一件頭着到三點式咁,真係天生麗質。」靚湯興奮道,沒想過正日可放假,所以好開心,更爆馬明是第一次staycation。

靚湯爆馬國明是第一次staycation。
靚湯爆馬國明是第一次staycation。
靚湯在酒店為小馬及獨角獸公仔沖涼。
靚湯在酒店為小馬及獨角獸公仔沖涼。

對方有沒有趁生日求婚?靚湯表示沒有:「我哋唔係玩驚喜嘅人,連想食咩蛋糕都會講,今次staycation都係我安排。」他們又帶上代表兩人的小馬及獨角獸公仔去staycation,靚湯在社交平台上載公仔全身濕透的相片,她解釋:「好多人話小馬污糟,所以就兩隻公仔都沖吓涼。」

小馬公仔未沖涼前。
小馬公仔未沖涼前。
其他文章
hd