首頁 即時娛樂

忙考試畀阿女詐型冇咗阿媽 梁詠琪學整甜品悟出人生意義

17/05/2021 18:00:00
GiGi考獲應屆「法國ICDE糕餅烹飪藝術文憑課程」,可憑證書在法國做執業廚師或開設餐廳的資格。
GiGi考獲應屆「法國ICDE糕餅烹飪藝術文憑課程」,可憑證書在法國做執業廚師或開設餐廳的資格。

梁詠琪(GiGi)考獲應屆「法國ICDE糕餅烹飪藝術文憑課程」,可憑證書在法國做執業廚師或開設餐廳的資格。她今日出席烹飪中心招生活動,更即場與導師示範以「小黃花」為靈感的巨型甜點,並推出為小黃花慈善教育基金籌款而設計的限量版慈善朱古力。

對於考獲文憑課程的難忘事,Gigi笑言上堂期間洗咗一世人會洗的碗,現在洗碗的速度快過工人姐姐,因為上堂時除了學整甜點,亦要自己洗碗及清潔,令她變得見到雪櫃有樽奶都想整蛋糕,見到未洗的碗都即刻走去洗。她說:「我覺得做了一個榜樣畀女兒,無論咩年紀都會學習新知識,她見到我困住自己讀書,就覺得點解唔陪她?後來我解釋報讀書要有責任去認真對待,她就每晚畀個幾鐘我讀書。我考完試後,她覺得阿媽失而復得。」

GiGi與導師示範巨型甜品。
GiGi與導師示範巨型甜品。
GiGi的作品。
GiGi的作品。


Gigi透露上堂時因為企得太耐隻腳會抽筋,女兒會為她按摩,更認為從而可讓女兒知道父母出外工作並非輕鬆的事。她說:「我畢業後,多時間接女兒放學,間中會問我有冇蛋糕食?我依家包辦整甜品,不過上堂時真係一日帶三個蛋糕返屋企,多到唔畀佢哋食晒,或者送畀鄰居、女兒同學食。」她表示今次邀請了同學一齊製作義賣朱古力,當日大家企足12個鐘製作1千粒朱古力,亦曾構思過整蛋糕畀露宿者吃,但認為逐步去做,暫時義賣朱古力先。

又係GiGi的作品。
又係GiGi的作品。
都係GiGi的作品。
都係GiGi的作品。


問到可會計劃開甜品店?GiGi說:「唔好搞我啦,責任重大,有時做蛋糕畀家人食,都會認真諗過程有無出錯,做生意真係責任重大,但學咗係唔會嘥嘅!透過學習學到人生意義,無論乜狀況都好,都要積極向上。」她笑言現在變得多籍口去買蛋糕吃,就算老公叫不要買,但會以研究為由買來拆解如何製作。

繼續係GiGi的作品。
繼續係GiGi的作品。
其他文章
hd