首頁 即時娛樂

演唱會後攰到瞓足廿個鐘 姜濤揀黑超心得最緊要大副

18/05/2021 17:30:00
姜濤完成演唱會後繼續Keep住出席活動。
姜濤完成演唱會後繼續Keep住出席活動。

MIRROR上星期才完成6場演唱會,不過姜濤騷後繼續做大忙人要開工。他獲眼鏡品牌邀請到店鋪,搭配各款太陽眼鏡。姜濤憶述人生第一副太陽眼鏡:「細細個同媽媽去加拿大旅行,佢喺海邊嘅一間小店買咗副太陽眼鏡畀我。我整個旅程都有戴住,仲覺得自己變咗外國人。」小時候的姜濤對揀太陽眼鏡好有「心得」︰「我揀咗副鏡片比較大嘅,因為覺得同一個價錢,感覺好似抵啲。同埋我成日會借媽媽嘅太陽眼鏡嚟戴,細個覺得太陽眼鏡係無分男女裝。」

姜濤第一副太陽眼鏡是在加拿大購買。
姜濤第一副太陽眼鏡是在加拿大購買。
姜濤試不同款式太陽眼鏡。
姜濤試不同款式太陽眼鏡。


問到如果能放一日假最想做乜?姜濤最想瞓覺︰「我喺演唱會後都休息咗一日,真係全日喺屋企瞓,起碼瞓咗十幾二十個鐘。雖然內心係想做吓其他嘢,例如睇電視或打機,但真係太攰,最終都瞓咗成日,好似昏迷咗咁。」踏入夏季,姜濤與媽媽一樣,怕熱又怕出汗︰「平時同媽媽出街,我一定會帶風扇,因為佢好怕熱。記得有次去日本玩,天氣好熱,媽媽入便利店買咗一大袋冰,全程一路行街一路攬住,仲話即刻透心涼!」

好Chok呀。
好Chok呀。
姜濤稱細個會借媽媽嘅太陽眼鏡嚟戴。
姜濤稱細個會借媽媽嘅太陽眼鏡嚟戴。

姜濤演唱會後瞓咗一日。
姜濤演唱會後瞓咗一日。
MIRROR上星期完成6場個唱。
MIRROR上星期完成6場個唱。
姜濤和媽媽
姜濤和媽媽
其他文章
hd