首頁 即時娛樂

經理人同Fans夾計送生日大驚喜 佘詩曼收528枝玫瑰感動爆喊

29/05/2021 00:41:00
阿佘收到經理人同Fans夾計送的生日大驚喜感動到爆喊。
阿佘收到經理人同Fans夾計送的生日大驚喜感動到爆喊。

5月28日是佘詩曼46歲生日,雖然她身在上海工作,未能跟一班好姐妹慶祝,但一樣收到不少祝福,繼收到偶像張曼玉送上生日卡及禮物,原來阿佘更得到經理人和Fans夾計製造的超級驚喜,令阿佘不單即場感動爆喊,更要化身「花女」。

阿佘這個46歲生日過得相當開心。
阿佘這個46歲生日過得相當開心。
阿佘在生日會上興奮點蠟燭。
阿佘在生日會上興奮點蠟燭。



講到經理人和Fans的「設局」,先由經理人預早向阿佘表示安排了媒體拍攝開始,為了做到零破綻,經理人更安排阿佘綵排了45分鐘,夠晒認真。正當阿佘準備十足推門進場時,驚見一眾粉絲歡呼起哄,並送上生日日期「528」枝玫瑰一刻,平日硬正的阿佘亦被感動到喊。阿佘提起仍難掩興奮,「我真係零防備下,surprise到我,好多謝經理人同粉絲設左呢個局,花了好多心思,去製造既感人又驚喜環節,仲有第一次收到500幾枝花,真係好耐未試過喜極而泣,他們所造的一切令我感到好幸福。」

生日上當然唔少得許願吹蠟燭。
生日上當然唔少得許願吹蠟燭。
收到粉絲的「528」枝玫瑰,阿佘終於忍不住感動爆喊。
收到粉絲的「528」枝玫瑰,阿佘終於忍不住感動爆喊。



向來有善心的阿佘,今次更將「好運」跟更多人分享,將收到大量玫塊花跟一眾鄰居共享,「我係愛花之人,但屋企根本冇咁多花樽,但又唔捨得拿掉,突然諗起可以同鄰居分享,助理喺group chat 一問反應非常踴躍,所以在party後我就充當『花女』,逐家逐戶去派花,希望大家都分享到祝福同好運。」對於收到偶像張曼玉的祝福,阿佘頓時由偶像變成小Fans,「我真係開心到成晚都瞓唔着,不斷研究佢啲字體,包裝全部都好有taste,唔識講,作為小Fans收到生日禮物,真係好快樂好sweet,佢啓發到我更加要愛錫fans!」

粉絲化盡心思幫阿佘慶生,這份心意收到晒啦!
粉絲化盡心思幫阿佘慶生,這份心意收到晒啦!
生日會上,阿佘變咗喊包,喊唔停。
生日會上,阿佘變咗喊包,喊唔停。
阿佘為合作10年化妝師送驚喜,特意訂造10年紀念牌及送上名錶,令化妝師感到到爆喊。
阿佘為合作10年化妝師送驚喜,特意訂造10年紀念牌及送上名錶,令化妝師感到到爆喊。
阿佘收到偶像張曼玉的禮物,開心到瞓唔着。
阿佘收到偶像張曼玉的禮物,開心到瞓唔着。
其他文章
hd