首頁 即時娛樂

死侍賴恩唔想再保護森姆積遜 《保鑣救殺手2》動作連場炸埋遊艇

03/06/2021 22:00:00
電影講述保鑣保護殺手故事,遊艇爆炸場面極為莊觀。
電影講述保鑣保護殺手故事,遊艇爆炸場面極為莊觀。


2017年,美國動作喜劇《保鑣救殺手》(The Hitman's Bodyguard)全球大收1.76億美元(約13億港元)票房, 續集《保鑣救殺手2》(The Hitman's Wife's Bodyguard)將於6月17日在港上映!今次繼續由首集導演柏德烈侯治(Patrick Hughes)執導,上集兩位主角曾憑超級英雄電影系列《死侍》(Deadpool)成為荷里活巨星嘅賴恩尼諾斯(Ryan Reynolds),以及《復仇者聯盟》(The Avengers)系列嘅森姆積遜(Samuel L. Jackson)亦會回歸!

《保鑣救殺手2》(The Hitman
《保鑣救殺手2》(The Hitman's Wife's Bodyguard)6月17日在港上映。
米高拜斯唔想再做保鑣,但仍經常夢到達利搞到要睇心理醫生。
米高拜斯唔想再做保鑣,但仍經常夢到達利搞到要睇心理醫生。


故事講述賴恩尼諾斯飾演嘅米高拜斯決定告別保鑣生涯,休假中撞到上集由森姆積遜飾演嘅殺手達利基奇的「欺詐女皇系」索爆老婆索妮亞,被迫再次做達利嘅保鑣!兩個人喺歐洲再次面對惡啃任務,仲突然要同由安東尼奧班達拉斯(Antonio Banderas)飾演嘅惡勢力癲佬巴巴多普羅斯對決,保鑣與殺手嘅善惡對立,一場離奇搞笑任務即將上演!

米高決定告別保鑣生涯去度假之際,居然撞返達利兩公婆。
米高決定告別保鑣生涯去度假之際,居然撞返達利兩公婆。
殺手老婆索妮亞今次打埋一份?
殺手老婆索妮亞今次打埋一份?


殺手老婆索妮亞繼續由莎瑪希恩飾演,佢喺今集有極重戲份,唔單止電影海報企正中間,從預告中亦可見佢參與大量動作場面,眼利嘅觀眾一定留意到英文戲名由上集《The Hitman's Bodyguard》變成《The Hitman's Wife's Bodyguard》,唔通今次要保護嘅其實係殺手達利嘅老婆索妮亞?

除咗舊有班底,今集仲搵嚟強勁卡士加盟,包括《蝙蝠俠》系列金像得主摩根費曼(Morgan Freeman)以及理查格蘭特(Richard E. Grant)等等。預告中不乏爆破、槍戰嘅刺激動作場面,同時有不絕的搞笑場口,成功舒緩緊張嘅任務情節。

槍戰結束,米高搞到成身血勁無奈。
槍戰結束,米高搞到成身血勁無奈。
森姆積遜飾演嘅殺手達利今集繼續同敵人駁火。
森姆積遜飾演嘅殺手達利今集繼續同敵人駁火。
康城影帝安東尼奧班達拉斯飾演惡勢力癲佬巴巴多普羅斯。
康城影帝安東尼奧班達拉斯飾演惡勢力癲佬巴巴多普羅斯。
巴巴多普羅斯綁起主角3人。
巴巴多普羅斯綁起主角3人。
摩根費曼(左)角色仍然保密。
摩根費曼(左)角色仍然保密。
其他文章
hd