首頁 即時娛樂

【頭條獨家】出道一年冇錢賺阿媽救濟 細貓搵定工幫補使費

14/06/2021 17:00:00
細貓自言最想把握每個機會All In,咩都試吓。
細貓自言最想把握每個機會All In,咩都試吓。

2018年參加ViuTV《全民造星》並打入十強的細貓(應智越),去年在韓國慶熙大學後現代音樂系畢業後,回港自組工作室正式出道。一年多時間已經推出5首歌,當中亦有份參與創作,不過細貓依然覺得作品未夠多,希望可以All In一切闖樂壇!   撰文:何蔓琪    攝影:梁志明   場地:Premium Party

細貓無論唱歌、跳舞定作曲都有一定能力。
細貓無論唱歌、跳舞定作曲都有一定能力。
細貓去年畢業於慶熙大學後現代音樂系。
細貓去年畢業於慶熙大學後現代音樂系。


細貓目前專注擅長嘅跳唱,「上年比較似唱作人,今年想有返固定風格,最好每3、4個月就有新作品,等大家都記得細貓嘅跳唱快歌!」

疫情下出道影響比想像中大,細貓亦要屋企人幫手維持生活,「以前我喺內地做練習生有食宿資助,讀書時期亦唔需要用到屋企人嘅錢。返到香港出道,疫情一波接一波,安排好嘅工作完全Cut晒,開始要靠積蓄同家人幫手。冇諗過影響係咁大,只可以硬住頭皮上。」細貓又坦言出道後冇賺錢機會:「呢一年完全冇收入,就算有少少,都拎去做歌或者投資喺公司。上年過咗跳舞群組之後情況好咗,但我怕疫情又爆,都想搵定工幫補使費。」

主修音樂的他,最想可找到相關工作,不過前提要隱藏歌手身份。細貓入行前曾有大量打工經驗,例如便利店店員同幫手修理水電煤,連照顧特殊兒童都試過,「最理想係搵到有關音樂嘅工,不過其他兼職,寫字樓工作嗰啲我都上到手。」

出道第二年,細貓期望行跳唱歌手路線。
出道第二年,細貓期望行跳唱歌手路線。
細貓今年有份主演微電影《偽人》。
細貓今年有份主演微電影《偽人》。


作為《造星》十強,最後卻因為合約問題未能加入MIRROR,眼見兄弟相繼走紅,細貓表示冇得後悔:「做每件事都會影響往後嘅路,如果冇同內地公司簽約,我可能冇得玩《偶像練習生》,甚至《造星》𠻹!而家可以做自己想做嘅音樂,好滿足,回想起都好珍惜呢個機會。」他又指MIRROR成員中跟Jeremy(李駿傑)最熟:「大家比賽嗰陣都係Team A,性格同鐘意嘅音樂風格又相似,好想佢快啲有自己成績。」近日Jeremy自資出Solo歌《夢言》,就是與細貓共同作曲。

另外,ViuTV出身的細貓開設工作室後都有亮相TVB,問到怕唔怕俾人話食兩家茶禮?細貓直言珍惜所有曝光機會:「當然愈多機會愈好,但其實好難取捨。我冇同電視台簽約,而你永遠唔會知機會係點嚟,花姐(ViuTV監製兼MIRROR經理人)都係《勁歌金曲》PA出身啦!ViuTV搞咗三屆《造星》,好多囝囝囡囡,感恩佢哋都仲有搵我,期待有更多合作。我只係Small Potato,唔想畀人感覺大牌,所有工作機會都歡迎,好珍惜㗎!」

細貓與Jeremy好老友,更為對方Solo曲出心出力。
細貓與Jeremy好老友,更為對方Solo曲出心出力。
細貓是《造星》十強,最後因為合約問題未能加入MIRROR。
細貓是《造星》十強,最後因為合約問題未能加入MIRROR。
現時自由身的細貓都有亮相TVB節目。
現時自由身的細貓都有亮相TVB節目。
細貓以花姐為例子,直言「永遠唔會知機會係點嚟」。
細貓以花姐為例子,直言「永遠唔會知機會係點嚟」。
2017年,細貓曾參加內地選秀節目《偶像練習生》。
2017年,細貓曾參加內地選秀節目《偶像練習生》。
其他文章
hd