首頁 即時娛樂

原Key唱《暗湧》獲陳輝陽大讚 肥仔化妝間俾「女聲」集郵

10/06/2021 18:00:00
肥仔同陳輝陽女聲齊開Live。
肥仔同陳輝陽女聲齊開Live。

《陳輝陽 x 女聲合唱 作品音樂會 人來人往》將於本月25日在紅館舉行,也是女聲合唱三部曲最終回。門票上周開售半日即售罄,團隊調整舞台設計後確定加位消息,明天再度發售門票!陳輝陽最近帶同多位女聲四出造勢,日前更與ERROR隊長肥仔(梁業)在Music Panda合作演出!眾人選唱王菲的《暗湧》,肥仔坦言:「歌曲陪我度過人生低潮,每次演唱或聽歌嗰時都好感觸。」

陳輝陽大讚肥仔唱得好。
陳輝陽大讚肥仔唱得好。
肥仔唱歌好有感情。
肥仔唱歌好有感情。


陳輝陽大讚肥仔唱得好好:「錄影時肥仔同女聲都好緊張,但估唔到肥仔竟然咁唱得,更跟女聲原Key唱!高音甜低音準,大家由戰戰兢兢變愈唱愈投入,試咗兩Take之後,已經全部融入首歌。」他又大爆一眾女聲捉住肥仔合照:「肥仔好忙呀,唱完仲要跑下場,不過班女就冇放過佢,係咁捉住佢影相留念!結果成個化妝間變咗集郵大會,排晒長龍係咁影,大家不停扮佢個『Lady Killa』表情。」

肥仔Solo歌《Lady Killa》好Chok。
肥仔Solo歌《Lady Killa》好Chok。
《Lady Killa》MV入面肥仔又係有好多女仔埋身。
《Lady Killa》MV入面肥仔又係有好多女仔埋身。

《陳輝陽 x 女聲合唱 作品音樂會 人來人往》於本月25日在紅館舉行。
《陳輝陽 x 女聲合唱 作品音樂會 人來人往》於本月25日在紅館舉行。
其他文章
hd