首頁 即時娛樂

【頭條獨家】「AO黎明」60歲繼續追夢 楊立門做全職歌手欣賞MIRROR

10/06/2021 22:56:00
「AO黎明」楊立門做全職歌手繼續追夢,而他好欣賞男團MIRROR。
「AO黎明」楊立門做全職歌手繼續追夢,而他好欣賞男團MIRROR。

「AO黎明」楊立門(前任發展局常任秘書長)(Raymond)於6年前提前退休,之後做咗幾年香港中華廠商聯合會行政總裁,月多前請辭,冇官一身輕的他,60歲繼續追夢!目前正趕緊為6月15日喺文化中心舉行嘅《楊立門的音樂回憶音樂會》綵排,雖然人到中年但仍緊貼香港樂壇,一啲都唔Out:「我最鍾意欣宜、林家謙,MIRROR都好正呀!」採訪:方騫平 攝影:譚壹致

冇官職一身輕,楊立門笑得好開懷,仲話𠵱家可以自由自在做全職歌手。
冇官職一身輕,楊立門笑得好開懷,仲話𠵱家可以自由自在做全職歌手。
楊立門於本月15日在文化中心舉行《楊立門的音樂回憶音樂會》,反應比預期熱烈得多。
楊立門於本月15日在文化中心舉行《楊立門的音樂回憶音樂會》,反應比預期熱烈得多。

因為疫情關係,楊立門演唱會由去年押後到至今:「原先以為搞唔掂,因為限聚令只容許一半入座率,條數計落唔化算,好彩疫情緩和放寬到七成半觀眾,咁啱6月份文化中心有個期就嗱嗱聲擸住。」

楊立門唔擔心疫情:「因為台前幕後會做晒核酸檢測,除咗我之外,幕後團隊同埋觀眾全部會戴住口罩,正如戲院開返,都冇出現過戲院群組啦!」最令他驚喜最貴嘅飛一早賣晒,可能觀眾餓咗演唱會好耐。他透露個唱邀得趙增熹客串伴奏幾首歌,仲有何婉盈及小龍女(龍婷)出任嘉賓,另外他創作嘅兩首新歌《哀樂之年》及《she is my lady》會喺演唱會中首唱:「《哀樂之年》係帶點感慨,諗返以前我搏生搏死到底為乜?下半生我要同最愛安安靜靜咁渡過,𠵱家算係最舒服狀態。我喺官場都效力咗幾十年,老人牌都拎埋,乜都夠啦,人係要有理想嘅,𠵱家可以全職做歌手去追夢,好好享受人生。」




 

同Raymond好合拍嘅何婉盈及小龍女任表演嘉賓。
同Raymond好合拍嘅何婉盈及小龍女任表演嘉賓。
楊立門對上一次開Show是2019年初,所以本月文化中心場館有期即搶咗先。
楊立門對上一次開Show是2019年初,所以本月文化中心場館有期即搶咗先。

對於演唱會Rundown,Raymond說:「我會唱林子祥嘅《最愛是誰》、經典老歌《Longer》等。」問到好留意香港樂壇的他會否唱姜濤的《蒙著嘴說愛你》?Raymond笑說:「唔識唱佢嘅歌,因為未必啱我唱,我當然識佢,仲好欣賞MIRROR,因為Boy band邊唱邊跳好養眼。」另外,他也喜歡創作歌手林家謙及好唱得嘅鄭欣宜。

楊立門曾參加1982年舉行的第一屆新秀歌唱大賽,但參賽期間獲政府取錄,只好退出比賽。
楊立門曾參加1982年舉行的第一屆新秀歌唱大賽,但參賽期間獲政府取錄,只好退出比賽。
楊立門月前辭去香港中華廠商聯合會行政總裁一職。
楊立門月前辭去香港中華廠商聯合會行政總裁一職。
楊立門好欣賞MIRROR。
楊立門好欣賞MIRROR。
其他文章
hd