首頁 即時娛樂

拍三級片子女受歧視 邵音音自爆搞到劉丹老婆嗌離婚

13/06/2021 12:26:00
邵音音初出道時拍風月片,並曾險令劉丹離婚。
邵音音初出道時拍風月片,並曾險令劉丹離婚。

邵音音和林雅詩作客TVB綜藝節目《日日媽媽聲》昨晚播出,二人因曾拍三級片受歧視,邵音音更爆險令劉丹離婚。邵音音最初入行拍風月片,因導演說漏了沒講:「導演叫我嚟睇鏡頭,個畫面咁大,個銀幕咁大,中間一點睇都睇唔到嘅;但攝影師可以Zoom㗎嘛,對電影都唔了解就走去做明星。」
邵音音說以前日日戴帽、貼長眼睫畫到眼好大,不讓人認出她。她又說:「看似好多朋友,但其實冇乜朋友,因為其他女朋友會問你同佢老公有冇嘢?」她逐爆當年劉丹被騎師好友整蠱,打電話給劉丹時向丹嫂自認是邵音音,令丹嫂要跟劉丹離婚,「我都唔知件事,過幾年劉丹見到我,叫我唔好同佢打招呼,因為老婆要同佢離婚!」

邵音音與林雅詩作客《日日媽媽聲》。
邵音音與林雅詩作客《日日媽媽聲》。
邵音音說劉丹被朋友整蠱她也不知情。
邵音音說劉丹被朋友整蠱她也不知情。


曾經想過轉行的邵音音直言:「請都唔請,係人都知你拍過脫戲!」她說去見工做護士,對方叫她做清潔廁所才會請。至於子女亦因她的出身受歧視,邵音音稱女兒讀小學時,老師問母親的名字,女兒報上後,老師即說:「你阿媽係白痴,你都係白痴!」兒子就被同學仔指著取笑:「我媽媽話你媽媽三級!」搞到兒子回家哭訴,幸好仔女知道真相後都接受她,一直很孝順她,令她感覺好幸福。
林雅詩則謂當年男友不介意,奶奶亦很支持她,反而家人不接受。生了兒子後,她沒膽出席家長日活動,直至囝囝8、9歲懂得上網搜尋,直接問她為何拍三級片?她跟兒子直認當年行錯路,叫囝囝要努力讀書。

邵音音年輕時為怕被認出,經常戴帽及化誇張眼妝。
邵音音年輕時為怕被認出,經常戴帽及化誇張眼妝。
邵音音自嘲當年唔識電影走去做明星。
邵音音自嘲當年唔識電影走去做明星。

林雅詩對兒子感內疚。
林雅詩對兒子感內疚。
其他文章
hd