首頁 即時娛樂

【頭條獨家】未適應圈中生活感迷失 曾樂彤受壓狂搲頭甩髮

14/06/2021 11:56:00
曾樂彤謂只要束起頭髮,就有助阻止搲頭,但在家好難忍手。
曾樂彤謂只要束起頭髮,就有助阻止搲頭,但在家好難忍手。

曾樂彤最近推出EP《Inner Child》輯錄這兩年製作歌曲,她認為第二張唱片以成長做主題好適合。不過,她坦言仲未適應圈中生活,感覺不踏實好迷失,又給自己不少壓力,更自爆繼不自覺搲耳仔搞到損晒後,現在狂搲頭嚴重到搲損頭皮勁甩頭髮,她也擔心是情緒問題,但未打算睇醫生,只會搵方法減壓。撰文:杜淑霞 攝影:張詠森 髮型:Zap Tang 場地:Coffeelin

本身性格樂天的曾樂彤,入行後卻發現有很大無力感。
本身性格樂天的曾樂彤,入行後卻發現有很大無力感。
曾樂彤講到甩頭髮情況,自己都有點擔心。
曾樂彤講到甩頭髮情況,自己都有點擔心。




繼18年推出首張EP《#meme》後,曾樂彤剛推出《Inner Child》,她認為相當適合,「第1年出碟係新人嘅作品集咁,𠵱家入行3年幾,好似將啲歌又可以出一隻碟,咁啱睇番個歌list又真係幾啱成長為課題去做一件事。」她承認由學校跳入社會,還未適應這個成人世界,「唔會知自己幾時係盡咗力,永遠比你勤力嘅人大有人在,當我入咗社會覺得嗰個無力感係超大嘅,運氣之餘仲有大環境,好多嘢都唔可以估計到嘅時候,呢啲就要靠你執生能力,但呢啲係你讀書都讀唔到。」

曾樂彤在新EP《Inner Child》收錄新歌《躲不開的一課》。
曾樂彤在新EP《Inner Child》收錄新歌《躲不開的一課》。
曾樂彤在《2020年度勁歌金曲頒獎典禮》也有得獎。
曾樂彤在《2020年度勁歌金曲頒獎典禮》也有得獎。



有傷口未敢染髮


正因為這份無力感,入行3年多的曾樂彤未敢有太多目標,因自覺已給了自己太多無形壓力,更出現狂搲頭甩頭髮情況,「真係甩頭髮,經理人唔畀我搲頭髮,因為本身搲耳仔先,搲到耳窩個位長期發炎,髮型師唔畀我搲,我𠵱家完全冇事,因為我轉咗搲頭。我又唔係濕疹,純粹係一個習慣,係會搲到流晒血。我㩒電話經常性係咁,半夜喺廁所搲咗半個鐘九個字,搲到直情有聲,自己都覺得好過份。(鬼剃頭?)touch wood我未去到咁,我唔搲就唔會甩(頭髮),我好鍾意搲到有頭皮甩,所以都唔可以染頭髮,有傷口驚會入咗血。我都喺度諗自己有咩壓力!?我係驚唱歌,驚我pick up得唔夠快,好多嘢都冇乜信心,知道太緊張會壞事,以為說服到自己由佢啦!但其實我冇由佢囉!但可能(搲頭)只係壞習慣,或者改番搲番耳仔,哈哈!(去做心理諮詢?)我覺得好貴呀!自己對住塊鏡都識同自己傾偈,我覺得近啲開心啲人就得。」

入行時想當演員的曾樂彤,有份演ViuTV劇《熟女強人》好開心。
入行時想當演員的曾樂彤,有份演ViuTV劇《熟女強人》好開心。
曾樂彤今年初推出翻唱的《不一樣的我》,亦有收錄在新碟。
曾樂彤今年初推出翻唱的《不一樣的我》,亦有收錄在新碟。
其他文章
hd