首頁 即時娛樂

被指穿「辱華」品牌遭網民抨擊 莫文蔚認疏忽惹禍:呢個係好教訓

14/06/2021 13:00:00
Karen被指着「辱華」品牌衣服拍MV,她表示日後會更細心留意。
Karen被指着「辱華」品牌衣服拍MV,她表示日後會更細心留意。

莫文蔚(Karen)昨晚完成三場《絕色世界巡迴演唱會》香港站,她事後接受訪問時笑言還有力氣繼續唱,但開3場剛剛好,貴精不貴多。問會否因不捨而收回不在紅館表演的宣言?Karen表示只是換個方式:「唔會唔表演,只係唔再係Tour形式。人生下半場可以有新嘗試,而且往後可能有更大場地,我唔做大型演唱會,可以做巨型演唱會呀!」

騷後受訪時,Karen表示給自己的演出滿分!
騷後受訪時,Karen表示給自己的演出滿分!
Karen自言還有力氣繼續唱,但認為3場剛剛好。
Karen自言還有力氣繼續唱,但認為3場剛剛好。


對於請到張學友做嘉賓,Karen指是碌盡人情卡,她當時親自提出邀請,對方一口答應。提到在演唱會大晒兩人昔日合照,是否花盡時間「尋寶」翻出雜誌?Karen笑稱:「一早已放喺牀頭,紀念出道20周年展覽嗰陣已經搵到,當時已好期待同學友合唱。」至於老公Johannes也上台表演,Karen冧爆大讚對方鋼琴勁,那麼要怎樣報答老公?她表示:「交番個人畀佢囉!準備休息,今次用咗好多想法同精力,要唞一唞。(畀自己幾分?)當然係滿分,舞台上大家都使出200%精力。(全程只有少少哽咽好堅強。)因為我比較少唱《HEY! 如果⋯⋯》呢首歌,第一次公開唱,歌詞又有離別感覺,係好感動。」

Karen在演唱會表演古箏。
Karen在演唱會表演古箏。
準備休息的Karen笑言可交番個人畀老公。
準備休息的Karen笑言可交番個人畀老公。


Karen近日推出新歌《婦女新知2021》MV,當中的服裝被指是「辱華」品牌而遭內地網民抨擊,造型師馬天佑也慘變箭靶,她回應:「一直將表演放喺第一位,清楚了解到自己有疏忽。半年來太過專注演唱會,平時着衫又唔係好理,唔太在意品牌。不過被發現都代表要注意,以前造型師覺得適合就會着,呢個係好教訓,再細微都要自己處理。(馬天佑也被鬧爆?)團隊係有責任,但冇人想發生。(下架MV會重新上架?)希望做番好先。」

Karen表示不「封咪」,笑指日後可轉做巨型演唱會。
Karen表示不「封咪」,笑指日後可轉做巨型演唱會。
Karen碌盡人情卡邀請學友任嘉賓。
Karen碌盡人情卡邀請學友任嘉賓。
Karen於《婦女新知2021》MV中所穿着的服裝被指是「辱華」品牌。
Karen於《婦女新知2021》MV中所穿着的服裝被指是「辱華」品牌。
其他文章
hd