首頁 即時娛樂

【小心笑死】同ERROR盧覓雪Agent L.齊拍廣告 古天樂瘋狂跳舞勁玩得

14/06/2021 15:15:00
古仔首度跟ERROR合作,大家齊齊搵真銀拍廣告。
古仔首度跟ERROR合作,大家齊齊搵真銀拍廣告。

古天樂(古仔)上月中到九展欣賞MIRROR尾場演唱會,騷後ERROR成員193更成功向古仔「集郵」隨後在個人社交網上載古仔搭着他肩膊影的合照,並留言:「知我咩料啦。」即引來不少網民熱議。估唔到話咁快193就有機會同古仔合作,趁住今日端午節假期,古仔、ERROR四子、以及盧覓雪(雪雪)分別在社交平台上載了合作拍攝廣告片段。

193扮巨星出場話Agent L.係佢「實Q」,仲講埋招牌對白:「知我咩料啦!」
193扮巨星出場話Agent L.係佢「實Q」,仲講埋招牌對白:「知我咩料啦!」
肥仔望住鏡頭話:「咁黑都怕熱嘅!?」明窒古仔即畀對方拍面。
肥仔望住鏡頭話:「咁黑都怕熱嘅!?」明窒古仔即畀對方拍面。


片段甫開始見肥仔瞓在地下大叫「好熱好熱」,然後見保錡敷冰、Agent L.(《ERROR自肥企画》導演曹梓冲)繼續以黑衫黑褲黑超扮晒「實Q」造型現身,193施施然揸住風扇出現話:「冇錯!佢就係我『實Q』,feel到啦!知我咩料啦!」扮晒巨星出場。畫面一轉就見到古仔坐在雪櫃隔籬吹住風扇問193,「咁你又知唔知我咩料呀?肥Doi,去開冷氣。」肥仔即望住鏡頭話:「咁黑都怕熱嘅!?」明窒古仔,古仔即用手拍打肥仔塊面,之後雪雪出場問眾人,「係咪熱呀?邊個要雪雪?」ERROR及AgentL.一齊指住古仔。雪雪興奮走向古仔身邊,古仔一邊笑一邊無奈講:「真係正到不得了!」眾人即起哄叫古仔熱就除衫,搞到古仔反問:「咩廣告嚟㗎,成日叫人除衫。」

雪雪出場問,「係咪熱呀?邊個要雪雪?」大家齊指住古仔。
雪雪出場問,「係咪熱呀?邊個要雪雪?」大家齊指住古仔。
眾人起哄叫古仔熱就除衫,古仔反問:「咩廣告嚟㗎,成日叫人除衫。」
眾人起哄叫古仔熱就除衫,古仔反問:「咩廣告嚟㗎,成日叫人除衫。」


另一短片中,他們全數換上夏威夷裝,又唱又跳,古仔相當玩得,除了同盧覓雪攞住砂槌對跳外,自己又舉晒手扭晒腰咁跳,而193更扮古仔名曲《今期流行》中大跳的拜神舞動作,即被古仔一腳踢開,而片中所見,古仔似乎特別鍾意撩肥仔玩,親自從後捉住肥仔外,見193捉住肥仔時,古仔又拎住沙槌打肥仔個大肚腩,相當搞笑。最後跳完一輪,古仔叫Cut拉隊收工,肥仔大叫:「我請食沙律。」193在IG再提古仔寫道:「而家知Koo Tin Lok咩料喇,連我實Q都搶埋。Alfred Cho(Agent L.)你唔實Q我,會唔會好冇安全感?」阿Dee則在IG留言:「作為一個演員,無時無刻都要準備好,古生今次可能係嚟casting㗎!上大銀幕指日可待。」連Agent L.也在IG出post:「第一次見到古生真人Not Secured!」

之後古仔真係有除衫,不過冇嘢睇!
之後古仔真係有除衫,不過冇嘢睇!
古仔跟ERROR夏威夷裝瘋狂跳舞。
古仔跟ERROR夏威夷裝瘋狂跳舞。
ERROR負責唱埋廣告主題曲。
ERROR負責唱埋廣告主題曲。
古仔扭晒蛇腰跳舞勁搞笑。
古仔扭晒蛇腰跳舞勁搞笑。
古仔好風騷跟雪雪攞住砂槌對跳。
古仔好風騷跟雪雪攞住砂槌對跳。
ERROR扮埋女人大跳草裙舞。
ERROR扮埋女人大跳草裙舞。
193扮古仔名曲《今期流行》中大跳的拜神舞動作,即被古仔一腳踢開。
193扮古仔名曲《今期流行》中大跳的拜神舞動作,即被古仔一腳踢開。
古仔鍾意撩肥仔玩,見193捉住肥仔時,就拎住沙槌大打肥仔個大肚腩。
古仔鍾意撩肥仔玩,見193捉住肥仔時,就拎住沙槌大打肥仔個大肚腩。
其他文章
hd