首頁 即時娛樂

TVB新綜藝《死因有可疑》今晚首播 方力申封張秀文最陰濕隊友

14/06/2021 17:30:00
飾演「校花」張秀文被方力申封為「最陰濕隊友」。
飾演「校花」張秀文被方力申封為「最陰濕隊友」。

TVB全新燒腦綜藝節目《死因有可疑》將於今晚10時半至11時15分首播,為了增加觀眾投入感,節目期間會顯示「緝兇」QR Code,觀眾只要掃一掃即有機會參與估兇手遊戲並贏取獎品。

眾人為尋找真兇傷盡腦筋。
眾人為尋找真兇傷盡腦筋。
眾人需投選心目中真兇。
眾人需投選心目中真兇。




《死因》雖只是五集「實驗性」綜藝節目,但製作相當用心,單是度身訂造道具已超過200件,全部細節位一絲不苟,從無變有,而節目班底亦全數起用新一代製作人,導演Marcus是經內部調職後初試啼聲,編劇阿智則曾參與TVB綜藝節目《學是學非》創作。阿智向來熱衷查案遊戲,故膽粗粗毛遂自薦,豈料獲首席創意官王祖藍一Take通過,「其實我預備咗5個論點說服佢哋畀我試,點知祖藍一聽個idea就話OK。同埋佢問我點解第一個單元想拍校園,我話因為女藝人著校服好睇,佢深表認同之後就冇再干涉過。」據知阿智的劇本更是在高層零改動情況下進行拍攝,自由度極高。

扮演偵探的方力申,笑指自己好蠢。
扮演偵探的方力申,笑指自己好蠢。
游嘉欣校服Look 好Pure。
游嘉欣校服Look 好Pure。



對於試映會有人質疑參與藝人狀態過於輕鬆,Marcus解釋:「係設計嚟,我哋想呈現佢哋最真實一面畀觀眾睇,演員喺鏡頭面前會有包袱,所以我叫佢哋用最relax狀態去做,最好互寸,好似平時同朋友玩緊咁」他又指祖藍更大派定心丸,表明冇收視壓力,「佢話得㗎喇!最緊要畀心機,拍得開心,盡咗力已經足夠。」對於導演狠心在拍攝時冇take two,參與藝人雖一再埋怨,但張秀文笑指整個合作過程好開心,「我哋拍嗰陣覺得好好玩呀!一嚟又要用腦,二嚟又要防人,好投入好enjoy,所以我有信心觀眾會睇得開心!」方力申則大爆張秀文是導演之外「最陰濕」的隊友,「佢勁係勁在,係唔係都呃我哋,所有嘢都唔知真假。」

何廣沛飾演「校草」。
何廣沛飾演「校草」。
郭子豪飾演「體育老師」。
郭子豪飾演「體育老師」。
劉佩玥飾演「老師」。
劉佩玥飾演「老師」。
節目導演Marcus(左二)與編劇阿智(中)。
節目導演Marcus(左二)與編劇阿智(中)。
其他文章
hd