首頁 即時娛樂

【為慈善出力】自詡12年經驗專業髮型師 張新悅剪到囡囡頭髮一忽忽

14/06/2021 18:15:00
張新悅親自為10歲二女Lily操刀,剪掉辮子捐贈給有需要人士。
張新悅親自為10歲二女Lily操刀,剪掉辮子捐贈給有需要人士。

楊張新悅與老公楊哲安育有四名女兒,近20年沒有唱歌的她最近為慈善,以歌手身份再踏台板於音樂會「開金口」獻唱。事後張新悅於社交網留言,表示出Show前心情忐忑又混亂,並自言從不是唱加班,以前每次出Show前都好驚走音、唔記得歌詞,幸事隔多年已成為人母,經常教小朋友拎出勇氣的她害怕也大大減少,更謂希望繼續有機會表演。

一開始張新悅好有信心!
一開始張新悅好有信心!
張新悅仲自稱受過「專業」訓練,是擁有12年經驗的髮型師喎。
張新悅仲自稱受過「專業」訓練,是擁有12年經驗的髮型師喎。


今日張新悅又於社交網透露再為慈善出力,她分享親自為現年10歲的二女Lily操刀,剪掉辮子捐贈給有需要人士,而這次是Lily第二次捐贈頭髮。在短片一開頭,拎住把剪刀的張新悅自言受過「專業」訓練,擁有12年髮型師經驗,接着又拎出間尺指量度囡囡,並因應慈善機構要求,將紮成三股辮的12吋長頭髮一刀剪走。

張新悅度好尺吋便正式落刀了!
張新悅度好尺吋便正式落刀了!
張新悅指囡囡頭髮好粗、好難剪,Lily都話有「不祥預感」。
張新悅指囡囡頭髮好粗、好難剪,Lily都話有「不祥預感」。


其間,張新悅向Lily表示:「唔使緊張,頭髮永遠會生長。」惟Lily卻稱有「不祥預感」,張新悅則叫囡囡「唔好嘈」,之後仲邊剪邊印印吓哼歌仔,狀甚輕鬆。豈料剪掉辮子後,張新悅即尖叫一聲,皆因她發現Lily的髮尾被剪到一忽忽,連Lily的家姐、細妹睇到都忍不住笑,張新悅亦大笑道:「呢個實驗係唔啱㗎!咁點算呢而家?」隨即又讚Lily靚女補飛,但下一句卻謂:「(捐贈的辮子)好似真係短咗少少……」不過,不少網市民大讚張新悅有善心,有人留言:「你教(得)她們很好,願意將自己心愛的長髮捐予有需要者,從《分享愛》時已超喜歡你。」

最終,張新悅將囡囡頭髮剪到一忽忽。
最終,張新悅將囡囡頭髮剪到一忽忽。
張新悅叫女兒們唔好笑,但好快自己都忍唔住笑埋一份。
張新悅叫女兒們唔好笑,但好快自己都忍唔住笑埋一份。
好在Lily表情都好樂觀。
好在Lily表情都好樂觀。
這是張新悅的傑作!
這是張新悅的傑作!
能夠幫到有需要嘅人,Lily都好開心。
能夠幫到有需要嘅人,Lily都好開心。
張新悅與老公楊哲安育有四名女兒。
張新悅與老公楊哲安育有四名女兒。
其他文章
hd