首頁 即時娛樂

【頭條獨家】被陳健朗爆死極唔去扮蟲加戲 Bipin Karma學廣東話恨做打仔

14/06/2021 21:45:00
陳健朗大讚Bipin於處男電影《手捲煙》中的表現比我預期更好!
陳健朗大讚Bipin於處男電影《手捲煙》中的表現比我預期更好!

90後演員陳健朗第一套執導的劇情片《手捲煙》,講述退役華籍英軍遇上南亞裔古惑仔,二人展開被黑幫追逐的故事。除了邀得影帝林家棟零片酬演出,陳導更放膽找來冇拍過電影的尼泊爾裔演員Bipin Karma擔當重要角色,幸表現出色獲陳導高度讚賞:「試鏡時直覺係佢,拍完比我預期更好𠻹!」擁跆拳道黑帶的Bipin表示要學好廣東話,盼有機會參與動作片。撰文:黎寶倫攝影:張詠森

陳健朗相信演得又打得的Bipin會好搶手。
陳健朗相信演得又打得的Bipin會好搶手。
Bipin從家棟身上學識寫下「文尼」的故事來投入角色。
Bipin從家棟身上學識寫下「文尼」的故事來投入角色。


面對一眾金像級人馬林家棟、太保、袁富華、白只等,飾演印度小混混「文尼」的Bipin Karma卻毫不怯場,陳健朗導演也大讚:「演員最緊要鬆,佢好Relax,令件事好Organic,同家棟個Chemistry即刻出晒嚟!(缺點?)廣東話講正少少就好,哈哈。」Bipin尷尬笑道:「因為之前冇睇太多香港電影。(唔識家棟?)I've seen 家棟哥somewhere,but it's a good thing because I was not so nervous.」並謂在片場一直觀察對方,更被家棟的演技震撼。

Bipin指參與《手》是緣份,因他一直想拍兄弟情的戲。
Bipin指參與《手》是緣份,因他一直想拍兄弟情的戲。
擁跆拳道黑帶的Bipin坦言恨拍動作片。
擁跆拳道黑帶的Bipin坦言恨拍動作片。


原來一開始Bipin拒絕試鏡,事關正於香港知專設計學院修讀影像創作的他一心想做幕後,「咁大嘅角色又要講廣東話,我自覺唔係好合資格,見面後佢話唔使講好多廣東話,但點知絕大部分都係講廣東話,仲要講印度話又要學演戲,好大挑戰!」笑問可覺受騙?陳導即自首:「少少啦。」Bipin直言拍畢《手》廣東話大躍進,仲拍上癮盼做香港演員,又恨拍動作電影;陳導即爆片末已受傷倒地的Bipin,儼如毛蟲般邊爬地邊嗌「阿Sir」,試圖為該幕打鬥場面加戲,Bipin解釋:「我覺得文尼即使受傷,都會想向家棟騷義氣。」

Bipin認為香港仍有許多少數族裔的故事可發掘。
Bipin認為香港仍有許多少數族裔的故事可發掘。
陳健朗盼透過電影大談港人身份認同的故事。
陳健朗盼透過電影大談港人身份認同的故事。
陳健朗去年憑《手捲煙》獲金馬獎7項提名。
陳健朗去年憑《手捲煙》獲金馬獎7項提名。
其他文章
hd