首頁 即時娛樂

【調教你MIRROR】Frankie扮冇所謂好慚愧 AK被「西客」麥子樂整蠱冇黑面

15/06/2021 15:30:00
Frankie被指似透明;AK被安排測試遇衰客會否黑面。
Frankie被指似透明;AK被安排測試遇衰客會否黑面。

昨晚第6集的ViuTV《調教你MIRROR》主力調教Anson Kong(江𤒹生、AK)、Frankie(陳瑞輝、皮皮)和Alton(王智德)。花姐眼中的Frankie過份透明,希望祖祖能改善他沉默寡言的性格:「佢已經31歲,點解仲未有好突出成績,完全因為佢性格。優柔寡斷又懶散,其實佢喺呢行又想要機會,但每樣學啲唔學啲,好在未放棄自己。」她更表示另一同事寶姐極力推薦,讚他靚仔才簽他加入MIRROR。Frankie也坦承定位模糊:「去到第二年,我都唔睇好自己定位!」

節目組安排兼職經驗豐富的AK、Frankie及Alton去麵包店打工,並請來麥子樂扮演找錯錢的麻煩客人,測試三位成員反應,特別想知火爆AK會否發脾氣。Jer(柳應廷)覺得以AK衝動性格會自掏腰包解決;Ian(陳卓賢)認為Alton會出手制止,認為AK不會火爆,只是想解決問題;Lokman(楊樂文)預計Alton會掌控局勢,至於Frankie則被眾人認為會以靜制動。

Frankie自認團內定位模糊。
Frankie自認團內定位模糊。
祖祖請麥子樂幫手測試三位成員。
祖祖請麥子樂幫手測試三位成員。


扮出醜的麥子樂叫工作人員暫停拍攝,又指要找導演,最後AK爽快賠錢。梁祖堯(祖祖)加入演戲,AK見狀再次道歉,沒有任何火爆或衝動行為。整蠱劇情嚴重偏離,眾人覺得AK一定會發脾氣,但他只是疑惑到搲頭,覺得唔係咁大件事。原來AK曾有懷疑過是演戲,「但我見工作人員用口形講晒粗口,又唔出聲,我以為自己真係瀨嘢!」祖祖也表示十分驚喜:「最後Alton理性解決件事,皮皮真係笠水唔出聲,但AK冇發過脾氣。原來佢嘅任性同黑面只會表露畀佢身邊信任嘅人,大事可以控制到場面,其實佢係個好成熟嘅人。」


之後麥子樂向MIRROR大談其20年的演藝經歷,「以前一直有負面情緒,覺得『點解我咁用心去拍一部作品,但冇人認得自己?』」花姐亦覺得成員不知足,「好多其他公司新人連底薪都冇,要自己搭車去表演場地,曾經有MIRROR成員同我呻『點解我冇廣告,點解我冇Job』我就好忟,其實人係要捱㗎。」麥子樂又向MIRROR表示:「內心覺得唔夠非常好,人要有欲望先有動力,如果做乜都諗為得到啲咩會好唔享受。」

麥子樂令AK以為自己找錯錢。
麥子樂令AK以為自己找錯錢。
又再三向Frankie檢查貨品。
又再三向Frankie檢查貨品。


祖祖也認同:「世界上係冇懷才不遇嘅人,懷才不遇即係未ready,而且性格決定命運。」他更點名叫Frankie回應:「我以前好唔honest,其實唔想畀機會人,但又扮冇所謂。」令他自覺心酸又慚愧,「麥子樂嘅等待好正面,但我就鑽牛角尖。」雖然Frankie被麥子樂說話點醒,不過播出後一眾鏡粉就投訴Frankie鏡頭太少,話調校對方但出鏡不及麥子樂咁多。

祖祖又請工作人員根據眾人在訓練營的表現,投票選出「我最喜愛的MIRROR成員」。打入三甲的包括Ian、AK、Tiger,最後Tiger不爭不搶又真誠的表現贏得一眾幕後人員歡心,成功得獎。他獲麥子樂掛上彩帶頒獎,「只要你畀心機去做一件事,認真對待機會,點都會有人睇到㗎!我到而家都相信。」Tiger昨晚也在限時動態貼出得獎合照,並寫上「Thank You」字樣。

麥子樂要求工作人員暫停拍攝。
麥子樂要求工作人員暫停拍攝。
AK賠錢道歉。
AK賠錢道歉。
祖祖加入演大龍鳳。
祖祖加入演大龍鳳。
AK唔認得麥子樂。
AK唔認得麥子樂。
AK再次道歉。
AK再次道歉。
其實內心疑惑到搲頭。
其實內心疑惑到搲頭。
最後先知俾人玩。
最後先知俾人玩。
麥子樂眼濕濕談起其20年的演藝經歷。
麥子樂眼濕濕談起其20年的演藝經歷。
Frankie被麥子樂經歷啟發。
Frankie被麥子樂經歷啟發。
Ian、AK、Tiger入選「幕後最喜愛的MIRROR成員」三強。
Ian、AK、Tiger入選「幕後最喜愛的MIRROR成員」三強。
Tiger(左)得獎。
Tiger(左)得獎。
Tiger在限時動態貼出得獎合照多謝大家。
Tiger在限時動態貼出得獎合照多謝大家。
AK在《叱吒2020》失獎黑面引起討論。
AK在《叱吒2020》失獎黑面引起討論。
其他文章
hd