首頁 即時娛樂

【頭條獨家】《輝哥為食遊4》邀星級嘉賓助陣 吳錫輝70大壽低調慶祝

15/06/2021 19:30:00
吳錫輝拍《輝哥為食遊4》邀請了星級嘉賓助陣,而他70大壽將跟家人分隔兩地慶祝。
吳錫輝拍《輝哥為食遊4》邀請了星級嘉賓助陣,而他70大壽將跟家人分隔兩地慶祝。

吳錫輝主持的《輝哥為食遊4》最近播出第4輯,疫情下拍攝唯有改變策略邀請多位星級嘉賓,包括甚有淵源的羅家英和米雪助陣。7月便70歲的輝哥,雖然跟太太鄧藹霖及長子因疫情分隔港英兩地,幸有細仔及一班老友跟他慶祝,同時亦是他一手成立的「香港電台第二台」40周年紀念,更加別具意義,而他亦很安慰看到近年MIRROR及ERROR冒起炒熱香港娛樂圈。撰文:杜淑霞 攝影:張詠森 場地:Happy Valley pub n restaurant

快將70歲的輝哥為身體着想,幾年前已戒煙,但間中會飲兩杯。
快將70歲的輝哥為身體着想,幾年前已戒煙,但間中會飲兩杯。
輝哥曾在夜校教過米雪,邀請她任嘉賓即一口答應。
輝哥曾在夜校教過米雪,邀請她任嘉賓即一口答應。



今輯《為食遊4》搵來的星級嘉賓除了吳鎮宇、黎耀祥和張德蘭外,還有跟輝哥相當有淵源的羅家英和米雪,原來前者是舊同事後者是學生,「我喺(港台)二台啱啱開始,羅家英喺第五台同李寶瑩做《梨園之星》宣傳粵曲;而米雪喺佳視做花旦要卒學去補習,我嗰時啱啱喺港大畢業讀英國文學,日頭喺新法書院教英文,夜晚就去靜宜女中幫劉家傑手教,Michelle就係我班嘅學生。」

不說不知,原來輝哥跟羅家英是港台舊同事。
不說不知,原來輝哥跟羅家英是港台舊同事。
輝哥跟太太鄧藹霖分別陪長子和細仔英港兩邊走。
輝哥跟太太鄧藹霖分別陪長子和細仔英港兩邊走。



樂見MIRROR ERROR炒熱娛圈


輝哥謂太太鄧藹霖陪長子在英國居住,今年只能跟細仔撐枱腳慶祝70歲生日,「細仔同我講咗,7月10號安排好,佢會買牛面珠墩肉用紅酒炆再加意粉,我叫佢買多條法包沾汁食,飲吓酒我就夠。(冇得同大仔太太慶祝?)都冇辦法,遙遠祝福囉!」愛飲愛食的他仲有班老友慶祝,「我哋有個group叫『傳媒老是佛』有14個人,我反對生日大鑼大鼓,但曾智華個搞屎棍提起,唔通人哋話慶祝我咁掃興咩。」另外張文新提起由他1981年創立的「香港電台第二台」剛好40周年,他亦會跟舊同事聚舊,「我哋神秘地約咗個神秘地點,去開一個神秘party,會跟足政府嘅限聚令。」


70年代加入電台的輝哥,看着廣東歌興衰,對於這兩年新一代歌手努力,他特別感觸,「我心裏面係感動嘅,細路搏得就搏啦,佢哋咬實牙關,MIRROR或ERROR都好,佢哋都捱咗3年呀大佬!你估金仔(金廣誠)魯暉(魯庭暉)冇做嘢咩,人哋畀咗3年花姐慢慢tune,我好appreciate起碼佢做嘅嘢有晒部署,我當然恭祝佢成功啦!我個港台舊同事係前新聞部總監,嗰日食完飯佢唔係返屋企,走去睇姜濤生日會,阿嬋都係姜糖,我個心有丁點兒老懷安慰。」

由輝哥創立的「香港電台第二台」的「青春交響曲」,這是第一代DJ。
由輝哥創立的「香港電台第二台」的「青春交響曲」,這是第一代DJ。
當年邀請出席「青春交響曲」活動的歌手粒粒巨星,包括徐小鳳、羅文、林子祥、鄭少秋及關正傑等。
當年邀請出席「青春交響曲」活動的歌手粒粒巨星,包括徐小鳳、羅文、林子祥、鄭少秋及關正傑等。
其他文章
hd