首頁 即時娛樂

【頭條戲場】《濁水漂流》我們都活在一潭濁水

16/06/2021 08:00:00
輝哥曾跟社工何姑娘說,「我知你唔係奉旨要幫我,我都唔係奉旨要受你幫㗎。」每個人都有自己的難題。
輝哥曾跟社工何姑娘說,「我知你唔係奉旨要幫我,我都唔係奉旨要受你幫㗎。」每個人都有自己的難題。

新聞稿咁樣寫:「故事改篇自真人真事,講述一班於深水埗天橋底下聚居的露宿者被社會忽視及邊緣化,他們如何在狹縫中生存的同時為自己爭取一絲尊嚴與公義。」兩句交代電影的中心思想。片長112分鐘當然不能完全反映露宿者的慘況,但第二次執導長片的李駿碩處理得不錯,故事好紥實,冇說教唔太悶,貼地的啱睇,離地幾萬呎的香港人更加啱睇。(電影屬三級已上映) 撰文:廖思慧

輝哥出冊後即回自己嘅路邊之家。
輝哥出冊後即回自己嘅路邊之家。
露宿毒友大勝有好嘢益輝哥,輝哥上電一幕睇到好驚。
露宿毒友大勝有好嘢益輝哥,輝哥上電一幕睇到好驚。


爭取公義的權利
吳鎮宇飾演的輝哥一出冊就返回深水埗街頭,露宿毒友大勝(朱栢康飾)即遞上好嘢供老友上電,當晚食環署人員突擊掃蕩,未有事前通知洗太平地而被掉家當的輝哥好嬲,「政府做錯事就要道歉!依家老同好好恰呀?」更決定跟街友一齊控告政府追討賠償和道歉。任何人都有爭取公平及公義的權利,就算你係道友。

輝哥搵到垃圾床架如獲至寶。
輝哥搵到垃圾床架如獲至寶。
社工何姑娘(蔡思韵飾)替輝哥等露宿者打官司申請索償,並要求政府道歉。
社工何姑娘(蔡思韵飾)替輝哥等露宿者打官司申請索償,並要求政府道歉。


Mean爆假仁假義
導演曾在映後會中透露在中大讀新聞系時曾到訪通州街跟露宿者傾偈,所以戲中露宿者面對鏡頭的不安及言辭表達的貧乏,拍攝得生動又真實。戲中露宿者告政府一事曝光後,記者湧住採訪,各大傳媒爭取發掘可歌可泣感人小故事、大學生玩Ocamp體驗瞓街,慘事當喜事做,然後一堆慈善組織或社運人士圍住露宿者的過份關心,好Mean好正。吳鎮宇及謝君豪演得好好,前者將嗰種睇落自由但身不由己的感覺淡淡然地表達出嚟,後者飾演越南難民老爺對尋親好渴求但又怕知得太多,冇人想跟親人分離,要留要走你知幾多?

電影對白精警,近兩個鐘冇悶場,天橋下吹口琴的柯煒林(Will)好正, 演技如一陣風唔造作,已極速Follow IG,請加油。

一班露宿者搵到天橋底搭木屋嚟住,有好心人派飯,食飽閒話家常,話題離不開恨上樓。
一班露宿者搵到天橋底搭木屋嚟住,有好心人派飯,食飽閒話家常,話題離不開恨上樓。
柯煒林飾演口齒不清的年輕街友木仔,Hi Will!
柯煒林飾演口齒不清的年輕街友木仔,Hi Will!
輝哥及曾做夜總會,因吸毒而流落街頭,現職洗碗的陳妹(李麗珍飾)有兩句,後者最終上到樓。
輝哥及曾做夜總會,因吸毒而流落街頭,現職洗碗的陳妹(李麗珍飾)有兩句,後者最終上到樓。
老爺好少離開深水埗,過海好大件事,所以由社工陪同。
老爺好少離開深水埗,過海好大件事,所以由社工陪同。
電影是導演李駿碩繼《翠絲》後第二部自編自導的長片。
電影是導演李駿碩繼《翠絲》後第二部自編自導的長片。
其他文章
hd