首頁 即時娛樂

【驚傳婚變】不堪被陸漢洋冷待 苟芸慧搬離愛巢正式分居

15/06/2021 23:51:00
苟芸慧2018年下嫁給富二代陸漢洋,最近傳出兩人婚變,兩人已正式分居。
苟芸慧2018年下嫁給富二代陸漢洋,最近傳出兩人婚變,兩人已正式分居。

37歲的前華姐冠軍苟芸慧(苟苟)2018年下嫁給富二代陸漢洋(William),最近傳出兩人婚變,兩人已正式分居。William對婚變傳聞不置是否,被傳媒追問時表示要待苟苟的經理人回覆。至於苟苟的經理人卻表示要去了解,暫未聽過。

 

婚後苟芸慧減產享受少奶生活,high tea及周遊列國,前年赴法國學整麵包,返港後又跟法國名廚學整法式糕點,仲打算由老公打本開舖,不過受到疫情影響計劃要延期。向來喜歡小朋友的苟苟,眼見好友鍾嘉欣、岑麗香及李亞男等「升呢」做開心媽咪,她更為生B做好準備。表面上苟姑娘過住幸福甜蜜生活,但原來去年底苟芸慧及陸漢洋婚姻已出現暗湧,但據身邊好友爆料指,賽車手老公陸漢洋愛戰車多過老婆,而且老公唔想生仔,兩公婆思想上有落差難以磨合,婚姻出現危機!苟苟不堪長期受冷落,今年初苟苟以探親為由,撇下老公獨返加拿大冷靜,見老婆唔喺身邊,陸漢洋竟唔多著緊,令女方死心,William有一段日子未有更新社交網,雙方喺社交網上零互動。

苟苟日前突然更新社交網,留言語帶相關。
苟苟日前突然更新社交網,留言語帶相關。
兩人只維持三年夫妻關係,傳喺生育問題上意見最分歧。
兩人只維持三年夫妻關係,傳喺生育問題上意見最分歧。

今年4月苟芸慧返港,婚姻未見有轉機,就算William用盡方法箍煲都不果,苟姑娘堅持搵屋搬分開,個多月前正式搬離貝沙灣愛巢,在九龍站附近租屋自住,兩人正式分居。


苟苟日前突然更新社交網,留言語帶相關:「最近的日子裏,我清了20箱東西,該捐的捐了,該送的送了,該斷的斷了。」而其通訊軟件的頭像亦已更換,當中寫道:「Dear past,thank you for your lesson.Dear future,I'm ready.Dear God,thank you for another chance(親愛的過去,謝謝你的教訓。親愛的未來,我準備好了。親愛的上帝,謝謝你再給我一次機會)」

茍苟已過住獨居生活。
茍苟已過住獨居生活。
年初苟苟獨自去咗多倫多探親及冷靜咗一段長時間。
年初苟苟獨自去咗多倫多探親及冷靜咗一段長時間。

半年前兩人仲甜蜜慶祝結婚兩周年。
半年前兩人仲甜蜜慶祝結婚兩周年。
苟苟曾全副精神投入學整糕點嚟麻醉自己。
苟苟曾全副精神投入學整糕點嚟麻醉自己。
當日兩人喺上水雙魚河鄉村會所舉行童話式婚宴,二人台上深情一吻,惜此情不再。
當日兩人喺上水雙魚河鄉村會所舉行童話式婚宴,二人台上深情一吻,惜此情不再。
同係結婚3年,苟苟羨慕好姊妹李亞男係兩女之母!
同係結婚3年,苟苟羨慕好姊妹李亞男係兩女之母!
苟苟好鍾意小朋友,相當疼愛李亞男囡囡。
苟苟好鍾意小朋友,相當疼愛李亞男囡囡。
William愛賽車多過老婆,又唔想做爸爸,有啲未定性。
William愛賽車多過老婆,又唔想做爸爸,有啲未定性。
苟苟手持糭子,用微笑及正面態度去面對回復單身嘅端午節。
苟苟手持糭子,用微笑及正面態度去面對回復單身嘅端午節。
苟姑娘有樣有身材,復出幕前不愁冇工作。
苟姑娘有樣有身材,復出幕前不愁冇工作。
其他文章
hd