首頁 即時娛樂

《聲夢》Gigi自認唔識減壓 Chantel批准坤哥開Fans Club

17/06/2021 10:00:00
Chantel好驚訝獲坤哥支持;大熱Gigi唔會因Chantel爆紅而唔開心。
Chantel好驚訝獲坤哥支持;大熱Gigi唔會因Chantel爆紅而唔開心。

TVB《聲夢傳奇》比賽進入白熱化階段,9位參賽者昨晚為節目錄影。姚焯菲(Chantel)上回合演唱《戀愛預告》,片段上載10日超過200萬點擊,人氣追過大熱參賽者炎明熹(Gigi)。Chantel開心表示選對了歌,因為曲風本身亦很sweet。問到被追上的Gigi會否不開心?她大方表示:「唔會覺得唔開心,最重要係幫到收視,冇邊個超越邊個嘅問題。」Chantel補充,比賽以來視大家是戰友,一直以來都是跟自己比較。

Chantel及Gigi都是《聲夢》人氣參賽者。
Chantel及Gigi都是《聲夢》人氣參賽者。
《聲夢》9位參賽者為節目錄影。
《聲夢》9位參賽者為節目錄影。


節目決賽定於七月舉行,並於周六(19日)的一集起設「《星夢傳奇》觀眾熱選大獎」,直至決賽當晚觀眾可投選最喜愛的學員,累計得票最高者當選。Chantel後勁凌厲,問她是否勢在必得?她回應:「每個人都有Fans同支持自己嘅人,所有參賽者都有機會。上個回合咁成功令我有壓力,希望自己唔會令人失望,要繼續做得更好。」Gigi亦十分認同,「壓力一定會有,不過係自己畀自己嘅,最重要係搵到解壓方法。可能我唔係對自己太熟悉,所以仲未搵到正確方法,但一定會盡力做好。」

坤哥早前在社交網自爆是Chantel粉絲。
坤哥早前在社交網自爆是Chantel粉絲。
坤哥又指,如果可以生到個好似Chantel咁嘅女就好。
坤哥又指,如果可以生到個好似Chantel咁嘅女就好。


另外,早前吳業坤(坤哥)公開表示是Chantel粉絲,更希望為她成立Fans Club。Chantel好驚訝,笑言感覺太唔真實:「竟然有個唱歌咁好聽嘅人仰慕自己,心情好複雜,以為自己發夢,好想打醒自己。」被問到是否批准坤哥做會長?Chantel親口答應:「OK,無問題!」她更希望將來有機會和坤哥及其他歌手合作。

Chantel在節目演唱《戀愛預告》。
Chantel在節目演唱《戀愛預告》。
《戀愛預告》點擊次數現時超過210萬。
《戀愛預告》點擊次數現時超過210萬。
其他文章
hd