首頁 即時娛樂

【調教你MIRROR】Edan耳邊講嘢令Ian打冷震 AL獲黃修平讚演技細膩

17/06/2021 15:30:00
MIRROR一眾成員演技爆發。
MIRROR一眾成員演技爆發。

最新一集《調教你MIRROR》,經理人花姐(黃慧君)希望梁祖堯(祖祖)幫手調教Anson Lo(盧瀚霆、AL),「其實MIRROR嘅成員都唔太了解佢,佢太顧及成員感受反而俾人誤解。」祖祖表示有人指AL「好有禮貌,令人覺得佢唔太真心」,花姐大爆:「我同AL傾過,原來佢小學已經俾老師咁講,叫佢唔好咁虛偽,要真心啲。」花姐指AL「寧願有禮貌好過亂講嘢」的做法竟然令人誤會,兩人覺得好笑之餘又費解,因為AL本性相當善良。

祖祖安排12子上演戲課程,更請到《狂舞派》導演黃修平及電台前DJ鍾雪(鍾雪瑩)做嘉賓,令MIRROR好驚喜。AL表示他與黃修平早前拍廣告合作過,但今次再見面依然好緊張。鏡仔分成6組「情侶檔」演出,姜濤及AL一組,AL演繹女主角,點知出咗門口之後開唔返門令眾人爆笑;姜濤獲祖祖大讚:「佢本能反應幾好,唔使諗都可以直接演,好有創作力,但導演可能未必駕馭到佢。」

今集《調教》有黃修平及鍾雪做嘉賓。
今集《調教》有黃修平及鍾雪做嘉賓。
姜濤及AL一組。
姜濤及AL一組。


Jer(柳應廷)和Frankie(陳瑞輝)一組,途中Jer不斷忘記對白,更要隊友提水,而Frankie的反應令祖祖十分驚喜:「佢有個好好嘅條件,就係唔會質疑對手,完全信任對方。就算Jer唔記得台詞,甚至離開場景走去問隊友,Frankie依然留喺度等待對方。」Stanley(邱士縉)及Edan(呂爵安)一組,唔知後者係咪拍完港版《大叔的愛》仲未抽離角色,竟然哄埋Stanley耳邊講嘢。隊友AK(江𤒹生)睇到勁投入眼甘甘,Tiger(邱傲然)就忍唔到笑,Ian(陳卓賢)直頭打冷震!

此外,Alton(王智德)與Jeremy(李駿傑)、Tiger及AK、Lokman(楊樂文)和Ian合演。祖祖特別喜歡Tiger與Lokman的演出:「鐘意Tiger好實在咁演,個底夠實淨,導演要加嘢都容易啲。Lokman平均值最高,無論專業度、創作能力、集中能力、節奏感、同對手交流嘅能力、真誠度,佢係最平均,而且係平均以上,我會好想同佢呢類演員合作。」最後由Lokman、姜濤及AL進入下一輪,跟鍾雪做對手戲,黃修平指:「做得最細膩同Surprise到我嘅就係Anson,佢真係做到好Feminine(女性化)嘅感覺。」

AL事後笑言:「頭先個演出,冇諗過大家覺得我心底係公主同八婆!」他在第二輪要演回男仔角色,依然自然流露,更沒有甩嘴或忘詞。AL曾擔心自己記不到劇本,又要有起伏,相當有難度,「把握好呢次,每次都當最後一次,要100% Show到Anson Lo有啲咩。MIRROR由12人組成,賣點係12個唔相似嘅人,12塊唔同嘅鏡碎片放埋一齊變完整嘅鏡,係我哋Selling point,但而家好似偏離咗。」

AL演戲時出咗門口,之後開唔返道門。
AL演戲時出咗門口,之後開唔返道門。
Jer和Frankie一組。
Jer和Frankie一組。


此外,花姐表示姜濤改變不少:「佢好少拒絕粉絲,而且一有兄弟喺身邊就好少願意主動企出嚟,通常都係叫隊長Lokman或副隊長AK做,今次係3年來第一次。」姜濤很慶幸大家一齊勸私追Fans:「呢件事對我、對12個人嚟講係一個里程碑,未敢講係好定壞,但大家係第一次去做呢件事。私追確實影響我哋工作,所以大家對呢件事有意見,一齊做呢件事好有意義。好多時候公司幫手擋,今次離開公司保護,可能呢件事處理得唔成熟、唔夠好,但起碼出發點係好。」

姜濤指Fans行為不當,亦間接影響MIRROR關係:「我真係想MIRROR好,一直唔太會為呢啲事而出聲,知道自己粉絲可能比較多,喺呢個情況下,對兄弟有少少唔好意思。有時我啲粉絲令大家……可能彼此嘅粉絲影響大家關係,所以自己冇特別講,但今次希望令大家知道,其實我好Care大家感受,都Care工作環境。」AL在「梅窩事件」當日突然發燒,要由隊友傍住,他認為是一直壓力太大,又面對私追問題所以身體受不住。

Jer不斷忘記對白。
Jer不斷忘記對白。
最後要隊友提水。
最後要隊友提水。
祖祖指Frankie的演員修養不是人人都具備。
祖祖指Frankie的演員修養不是人人都具備。
Edan哄埋Stanley耳邊講嘢,睇到AK眼甘甘。
Edan哄埋Stanley耳邊講嘢,睇到AK眼甘甘。
Tiger忍唔到笑,Ian好嫌棄。
Tiger忍唔到笑,Ian好嫌棄。
Ian最後打冷震!
Ian最後打冷震!
Alton與Jeremy一齊演出。
Alton與Jeremy一齊演出。
Tiger及AK合作。
Tiger及AK合作。
Lokman就和Ian對戲。
Lokman就和Ian對戲。
AL演出令黃修平好驚喜。
AL演出令黃修平好驚喜。
姜濤入Camp數日,性格已改變不少。
姜濤入Camp數日,性格已改變不少。
其他文章
hd