首頁 即時娛樂

【提名人造假】「佛祖」港姐不滿被玩爆 林作解畫:前世見過Kirsten

18/06/2021 03:22:00
Kirsten指責林作不是她提名人,所有資料都不實,更呼籲不要眾籌。
Kirsten指責林作不是她提名人,所有資料都不實,更呼籲不要眾籌。

TVB《2021香港小姐競選》日前進行複試,林作自稱係貎似佛祖及同男藝人羅浩楷撞樣嘅東涌Kirsten(霍韻璇)提名人,由於林作曾揚言Kirsten係信心之選,Kirsten冇得留低,林作再出post話:「我決定眾籌畀TVB,以贊助形式代表港人懇求加個位畀佢進入決賽。如果每人出100元,我哋1000人就會有10萬,1萬人嘅,我地會有100萬。一百萬嘅贊助,我估,佢一定可以喺決賽,帶畀我哋最大嘅歡樂。DM我攞眾籌link吧。幸福,係要自己爭取嘅!」林作講到言之鑿鑿,直至昨晚Kirsten忍無可忍,力斥林作只係冒認她提名人嚟「消費」佢,更指林作提供佢嘅個人資料完全係假,她既唔係19歲,最爆係,連中文名都係林作亂咁嗡,她唔係叫霍韻璇!

Kirsten最介意林作喺網上呼籲眾籌,話要籌一百萬給大會讓她進身決賽,絕對係抽她水,提醒大家唔好付款。Kirsten話唔識林作,她嘅真正提名人係陪佢去面試嘅胞兄,而她係香港出身嘅中、菲、西班牙混血兒,今年22歲,體重132磅。

東涌Kirsten帶點「騎呢」,被指貎似佛祖及同男藝人羅浩楷撞樣。
東涌Kirsten帶點「騎呢」,被指貎似佛祖及同男藝人羅浩楷撞樣。
林作之前喺社交網不時提到Kirsten,大家信以為真佢係提名人。
林作之前喺社交網不時提到Kirsten,大家信以為真佢係提名人。

林作透過WhatsApp接受本報訪問時坦承之前話係Kirsten提名人,其實係講笑,他釋解說:「毫無惡意,真心支持,現在成就偉業,請問該感謝我還是咒罵我?沒有我,有Kirsten嗎!」他更繼續開吓玩笑說:「我歡迎網友指正,本人從來都係玩得好大嘅,但從來無傷大雅,她只是獲得了名氣、榮譽、關注、愛戴,毫無損失!我自此宣佈:Kirsten榮獲《2021年香港小姐競選》『最受矚目小姐獎』!」而林作聲稱,他一分錢都沒有收過。

至於林作點解要揀Kirsten嚟「提名」呢?他哈哈大笑說:「因為佢特別親切,真心有佛氣,一見如故,有如見到佛祖般,第一次就覺得前世見過!」問他將對方改中文名做「霍韻璇」的由來?林作大笑道:「我媽媽提名個女仔叫霍穎璇,於是,我取諧音『霍暈船』,佢似係會暈船,即係迷暈反義詞...點知,啲人照寫『霍韻璇』!」

Kirsten之前出post,叫大家唔好睇林作,當時大家仍不知道真正原因。
Kirsten之前出post,叫大家唔好睇林作,當時大家仍不知道真正原因。
林作話出post提出眾籌只係講笑,他冇收過一分錢。
林作話出post提出眾籌只係講笑,他冇收過一分錢。

另一廂,雖然Kirsten無緣進入第二輪港姐面試,但她仍笑晒口透過Lenar Bata名字嘅社交平台拍片答謝大家嘅支持,並感恩喺旅程上有一班粉絲。之後化咗靚妝嘅Kirsten上載另一條自拍片,擺出托下巴及V字Pose,還順便叫大家留意她的音樂平台,心情大靚。

Kirsten強調身後胞兄才是真正提名人。
Kirsten強調身後胞兄才是真正提名人。
Kirsten雖然落選,但V晒手,心情大靚叫大家留意佢嘅音樂平台。
Kirsten雖然落選,但V晒手,心情大靚叫大家留意佢嘅音樂平台。
Kirsten仲化咗靚妝大擺甫士。
Kirsten仲化咗靚妝大擺甫士。
相中Kirsten有V煞面,當然有修圖啦!
相中Kirsten有V煞面,當然有修圖啦!
混血兒Kirsten小時候面尖尖,幾可愛。
混血兒Kirsten小時候面尖尖,幾可愛。
霍穎璇(右)入圍港姐第二輪複試,林作強調母親的確係霍穎璇提名人,故由裕美(左)淪為助手。
霍穎璇(右)入圍港姐第二輪複試,林作強調母親的確係霍穎璇提名人,故由裕美(左)淪為助手。
其他文章
hd