首頁 即時娛樂

【食極唔肥】凌晨收工狂擦湯渣薯片 鄭秀文晒驚嚇裸背刮痧痕跡

18/06/2021 14:00:00
最近成日早出晚歸的Sammi去咗刮痧消除疲勞。
最近成日早出晚歸的Sammi去咗刮痧消除疲勞。

正忙於拍攝的鄭秀文(Sammi)最近日日早出晚歸,今日(18日)她在社交網上載昨晚食宵夜的短片,透露工作至凌晨3時才收工,4時回到家便馬上開餐,並謂:「吃飽才有氣力睡覺啊!#飽住瞓」除了吃粟米煎餅外,她還將一大碗青紅蘿蔔豬𦟌蜜棗湯連湯渣食晒,之後仲自爆準備食埋薯片先瞓,不過Sammi依然食極唔肥,真令人羨煞!

Sammi大晒刮痧「戰績」,笑稱「有啲似豹皮」。
Sammi大晒刮痧「戰績」,笑稱「有啲似豹皮」。
Sammi昨晚工作至凌晨3時才收工,4時回到家便馬上開餐。
Sammi昨晚工作至凌晨3時才收工,4時回到家便馬上開餐。


剛才Sammi又於IG貼出滿滿紅印的裸背照,展露其刮痧「戰績」,她寫道:「每個人都有自己特別相信的紓緩疲勞方式。刮痧是我的首選。畫面看來驚嚇趕客,但五至七天就會連帶你一身的疲累,靜悄悄地消退得無影無蹤。刮痧過程受點痛楚,值得喔!」並謂刮走濕氣好舒爽,笑稱背脊「有啲似豹皮」,惟一眾圈中人紛紛大叫「OMG」,林盛斌見狀也驚嘆:「使唔使去到咁盡?😳😳😳」

Sammi清晒成碗青紅蘿蔔豬𦟌蜜棗湯,就連湯渣食埋!
Sammi清晒成碗青紅蘿蔔豬𦟌蜜棗湯,就連湯渣食埋!
Sammi仲食埋粟米煎餅和薯片先瞓。
Sammi仲食埋粟米煎餅和薯片先瞓。

其他文章
hd