首頁 即時娛樂

《糖街製片廠》入圍烏甸尼電影節 劉翁蘇皓兒遺憾冇得行紅地氈

18/06/2021 15:30:00
劉翁執導、蘇皓兒有份演出的電影《糖街製片廠》獲意大利烏甸尼電影節選中入圍。
劉翁執導、蘇皓兒有份演出的電影《糖街製片廠》獲意大利烏甸尼電影節選中入圍。

由劉翁執導的電影《糖街製片廠》獲意大利烏甸尼電影節選中入圍,成為其中一套港產片於多個歐洲、北美及亞洲城市作巡迴上映。劉翁笑言讓外地觀眾感受香港恐怖片「驚得嚟好笑,笑得嚟感動,感動得嚟又好驚」的獨有玩法,他說:「今次喺歐洲上映製作好認真,放映時將配上意大利語字幕。香港國際電影節協會亦幫我拍咗宣傳片。今次《糖》由荷里活級數嘅特技化妝師操刀,質素一定唔會失禮。如果有機會,我都想飛過去同世界各地嘅電影人交流,奈何疫情,所以未來要更畀心機拍多啲好戲,再參展去感受歐洲影壇盛事。」

疫情關係未能飛赴當地參與盛事,劉翁表示惟有未來更畀心機拍多啲好戲。
疫情關係未能飛赴當地參與盛事,劉翁表示惟有未來更畀心機拍多啲好戲。
蘇皓兒坦言遺憾未能赴意大利行紅地氈。
蘇皓兒坦言遺憾未能赴意大利行紅地氈。


對於電影獲選中參與國際影展,女主角之一的蘇皓兒大感驚喜,但無法赴意大利行紅地氈也很失望:「作為一個演員,可以行國際影展紅地氈機會唔多。今年疫情冇得去,真係好唔開心!希望香港上映都有好好嘅成績,咁對自己同公司都有交代。」為電影犧牲容貌的楊柳青笑道:「我個特技化妝認真程度連我都唔認得自己!我懷疑觀眾睇晒成部戲都未必知邊個係楊柳青!不過有機會代表香港電影去參與國際級影展,呢個係演員嘅光榮。」

楊柳青(右)表示有機會代表香港電影去參與國際級影展,是演員的光榮。
楊柳青(右)表示有機會代表香港電影去參與國際級影展,是演員的光榮。
為電影犧牲容貌化上特技妝的楊柳青,笑言連自己都唔認得自己!
為電影犧牲容貌化上特技妝的楊柳青,笑言連自己都唔認得自己!

其他文章
hd