首頁 即時娛樂

【頭條獨家】亡妻離世1年 父女扶持走出陰霾 黃日華做「跟得老竇」陪女行街

18/06/2021 22:00:00
愛妻梁潔華去年因病離世,屋企剩返兩個人,華哥也特別珍惜父女相處時光。
愛妻梁潔華去年因病離世,屋企剩返兩個人,華哥也特別珍惜父女相處時光。

自從愛妻梁潔華於去年5月因病離世後,黃日華(華哥)與女兒黃芷晴便一直相依為命,除了閒時踢波及跟周潤發(發哥)跑山外,他早前又與囡囡一齊學整香薰蠟燭,並成功取得導師證書。屋企剩番兩個人,華哥也特別珍惜父女相處時光,父親節前,二人被《頭條日報》記者撞到於沙田新城市廣場買嘢食,之後「廿四孝爹哋」華哥仲好有耐性,全程靜靜地陪住芷晴揀衫。採訪:譚壹致

華哥日前晚上陪愛女芷晴漫遊沙田新城市廣場,兩人買完嘢食又睇衫。
華哥日前晚上陪愛女芷晴漫遊沙田新城市廣場,兩人買完嘢食又睇衫。
華哥推住架車仔行得好快,但囡囡仲喺後面慢吞吞掃緊薯片。
華哥推住架車仔行得好快,但囡囡仲喺後面慢吞吞掃緊薯片。


上月初踏入31歲的黃芷晴,早前向傳媒透露恨識男朋友,惜至今仍未有追求者埋身,又難怪她會單身嘅,事關除了忙於擺檔賣自家飾物外,近來芷晴都一盡孝順女責任,成日陪伴喺爸爸黃日華身邊,似乎都冇乜機會Date吓異性。日前晚上近9點,一身運動Look的華哥孭住兩大袋DECATHLON戰利品,與戴上帽、穿連身白恤衫的芷晴現身一田掃零食,59歲依舊大大隻的華哥負責推住架車仔,囡囡就專心執薯片,雖然爸爸行得有啲快,但兩人都算合拍。

行到去收銀櫃,華哥幫手將嘢食放入袋,芷晴就Standby拎重嘢。
行到去收銀櫃,華哥幫手將嘢食放入袋,芷晴就Standby拎重嘢。
芷晴見到啲日本餅乾即眼發光,惜老竇陪她兜完一圈都冇收穫。
芷晴見到啲日本餅乾即眼發光,惜老竇陪她兜完一圈都冇收穫。


跟實囡囡
畀完錢,芷晴即幫手拎晒兩大袋嘢食,不過一出門口見到啲蛋糕、餅乾,為食的她又停低手指指,之後仲行埋入舖慢慢睇,華哥就默默跟喺囡囡身後陪逛。結果兜咗一圈都睇唔啱,二人便上3樓GU睇衫,芷晴主攻連身裙,華哥繼續毫無怨言做「跟得老竇」,最後芷晴又入手一條黑色恤衫長裙。滿載而歸的黃氏兩父女,雙雙落停車場會合一名友人取車,臨上車前,華哥先飲啖茶再歎番支煙才離開,睇嚟陪個女行咗成晚好攰吓喎!

芷晴夾住部電話一邊煲粥一邊慢慢揀衫,在旁靜候的華哥都冇怨言。
芷晴夾住部電話一邊煲粥一邊慢慢揀衫,在旁靜候的華哥都冇怨言。
兩父女買到成手戰利品,行到9點幾終於捨得返屋企。
兩父女買到成手戰利品,行到9點幾終於捨得返屋企。
落到停車場,中途殺出一名友人同黃氏父女一齊上車離開。
落到停車場,中途殺出一名友人同黃氏父女一齊上車離開。
唔知係咪陪囡囡行到攰,華哥上車前食番支煙享受一下Me time。
唔知係咪陪囡囡行到攰,華哥上車前食番支煙享受一下Me time。
59歲華哥閒時踢波之餘,也是發哥(右)組織的跑山團團員之一。
59歲華哥閒時踢波之餘,也是發哥(右)組織的跑山團團員之一。
華哥早前跟芷晴一齊學整香薰蠟燭,二人仲取得KCCA蠟燭導師證書。
華哥早前跟芷晴一齊學整香薰蠟燭,二人仲取得KCCA蠟燭導師證書。
梁潔華於去年5月病逝,芷晴趁母親節於社交網貼出媽咪舊照作悼念。
梁潔華於去年5月病逝,芷晴趁母親節於社交網貼出媽咪舊照作悼念。
芷晴近來忙於擺檔賣自家飾物,又要學插花兼照顧老竇,難怪冇時間拍拖。
芷晴近來忙於擺檔賣自家飾物,又要學插花兼照顧老竇,難怪冇時間拍拖。
其他文章
hd