首頁 即時娛樂

【頭條獨家】開騷唱歌保育香港廣東歌 區瑞強樂見TVB開放平台

18/06/2021 22:45:00
Albert認為每年開騷,就好像跟歌迷一年一度聚會一樣。
Albert認為每年開騷,就好像跟歌迷一年一度聚會一樣。

65歲的區瑞強(Albert)將於6月21及22日一連兩日,於文化中心舉行《我家您再重聚演唱會2021》,相隔兩年再開騷,Albert特別珍惜跟樂迷聚首機會,更邀請了胞妹區佳芬及細仔區昕進(Adrian)任嘉賓。keep住開騷唱歌致力保育香港廣東歌的他,亦樂見新一輩歌手努力,加上TVB開放平台,有望令香港樂壇重生。撰文:杜淑霞 攝影:譚壹致

Albert樂見新一輩歌手努力,加上TVB開放平台,有望令香港樂壇重生。
Albert樂見新一輩歌手努力,加上TVB開放平台,有望令香港樂壇重生。
今次演唱會Albert邀請了胞妹區佳芬及細仔區昕進(Adrian)出任嘉賓。
今次演唱會Albert邀請了胞妹區佳芬及細仔區昕進(Adrian)出任嘉賓。



習慣年年開騷的Albert,已有兩年冇開過所以今次一定要搞,「我覺得一年一聚剛剛好,所以唔計算今次有機會就做。今次叫《我家您再重聚演唱會2021》,好似come back返屋企食飯咁,兩年冇見大家要見吓,仲有文化中心係我成長嘅地方,以前啲民歌演唱會全部喺文化中心做;而『我家您』有兩個意思,係我同fans,仲有我同家人,所以就搵咗屋企人,我妹同個仔做嘉賓。」

Albert將於6月21及22日一連兩日,於文化中心舉行《我家您再重聚演唱會2021》。
Albert將於6月21及22日一連兩日,於文化中心舉行《我家您再重聚演唱會2021》。
Albert的演唱會,邀請過洪金寶出任嘉賓。
Albert的演唱會,邀請過洪金寶出任嘉賓。



欣賞譚嘉儀



Albert坦言keep住開騷唱歌,目的是幫香港廣東歌保育,「將我最熟識七、八十年代嘅香港廣東歌,希望將呢啲歌傳承落去,我成日掛在口邊靚歌保育,重新再活化。」對於近年後輩歌手致力推動香港樂壇,他大力支持,「姜濤牽起咗漣漪出嚟,成個電視台去捧一隊組合出嚟,應該嘅,成日話樂壇惡性循環,香港樂壇真空咗好耐,年青人都要搵個對象去追,好似得陳奕迅同容祖兒咁滯,本身好成熟嘅音樂巿場,點可能容許一個天王又好天后又好,雄霸10幾年冇換過!」



Albert亦樂見近期TVB開放平台,「成10年冇同外界接觸過,全部都係自己人嚟,頒獎、唱歌、選嘅都係自己人,呢個咪小圈子囉!𠵱家開放我覺得呢一步行啱咗,全香港所有歌手都可以上嚟,ViuTV都可以如果你肯,起碼四大唱片公司可以嚟,之前連資深都冇,咁好搞笑喎!個圈點會成功,好似足球隊咁一定係老大帶嫩,樂壇一樣,𠵱家重頭嚟過,咁樣講好似好悲觀,因為衰咗廿年嘛!」而新一輩中他較欣賞譚嘉儀,「唱舊歌,英文歌都得,譚嘉儀非常好,其實佢都出道10年,再新嗰啲冇聽,(姜濤?)我真係冇聽過,唔知姜濤唱歌點,唔會專登聽,如果揸車聽到都會聽。」

Albert多年來仍享受DJ工作,為保育香港廣東歌出分力。
Albert多年來仍享受DJ工作,為保育香港廣東歌出分力。
近期Albert比較欣賞的後輩是譚嘉儀。
近期Albert比較欣賞的後輩是譚嘉儀。
Albert坦承仍未有機會聽姜濤唱歌。
Albert坦承仍未有機會聽姜濤唱歌。
Albert跟太太Teresa結婚多年,育有兩子。
Albert跟太太Teresa結婚多年,育有兩子。
其他文章
hd