首頁 即時娛樂

【頭條獨家】外母狂讚 顧家女婿街頭吹水唞吓氣 鄭嘉穎約友食快Tea急返歸

20/06/2021 22:00:00
嘉穎單拖約友食Tea,開頭他好似開籠雀咁講唔停,傾了約一個鐘知要「交人」便急急返歸。
嘉穎單拖約友食Tea,開頭他好似開籠雀咁講唔停,傾了約一個鐘知要「交人」便急急返歸。

鄭嘉穎與較他年輕22歲的陳凱琳(Grace)結婚3年,育有兩子Rafael和Yannick,家庭生活好美滿。不過婚前,有傳Grace媽反對二人拍拖,早前她接受訪問時直認覺得嘉穎年紀大又花弗,擔心初戀愛女俾人玩,幸跟對方認識後完全改觀,大讚女婿以家庭為重,仲話「重到要佢減啲」!嘉穎的確心繫屋企,早前就見到佢單拖約友落銅鑼灣食Tea,全枱清一色男人,戴黑超的嘉穎開頭都好似開籠雀咁,郁身郁勢講唔停,但傾了約一個鐘便知時候要返屋企幫手湊仔,歎埋支煙就急急返歸。採訪:梁志明

日前下午3時許,嘉穎約埋3位兄弟去銅鑼灣食Tea,家中有小朋友嘅佢開頭都戴罩吹水。
日前下午3時許,嘉穎約埋3位兄弟去銅鑼灣食Tea,家中有小朋友嘅佢開頭都戴罩吹水。
好耐冇見朋友的嘉穎一坐低Non-stop咁講,仲興奮到伸出「擒拿手」,好生動!
好耐冇見朋友的嘉穎一坐低Non-stop咁講,仲興奮到伸出「擒拿手」,好生動!


獲Grace媽認證「101 分女婿」的51歲鄭嘉穎,近年常被拍得與太太陳凱琳和寶貝仔出街享天倫。鮮有獨自外出的嘉穎,日前下午3時許就相約漫畫家祈文傑及兩名男友人,到加路連山道某茶記一邊食Tea一邊Men's Talk。難得撇甩妻兒出來唞唞氣,起初嘉穎都傾得好投入,其間仲笑晒口、伸出「擒拿手」,好大動作,連《頭條日報》記者企喺對面馬路都聽到佢把聲!見枱面啲嘢食清晒依然口痕痕,嘉穎就獨自步行到附近的便利店增值八達通,然後再往小食店Order了幾隻炸雞髀。

其間,嘉穎不時低頭覆Message,估計係自動波向老婆交代行蹤。
其間,嘉穎不時低頭覆Message,估計係自動波向老婆交代行蹤。
清晒枱面啲嘢食後,嘉穎去附近便利店增值八達通。
清晒枱面啲嘢食後,嘉穎去附近便利店增值八達通。


傾得耐囉囉攣
在等攞嘢食期間,其中一名兄弟前來找他吹水;直至領取外賣後,兩人才一同回到餐廳坐低,並急不及待拆開紙包,取出熱辣辣的炸雞髀慢慢嗒。終於食飽,一班老友繼續發表偉論,但歸心似箭的嘉穎開始心不在焉,參與度極低。搭完兩句嘴,又篤吓杯凍檸茶再四圍望;其後愈坐愈冇心機聽的嘉穎,索性打側身坐煲電子煙,見他不時凝望遠處,未知係咪諗緊幾時先返得屋企呢?最終大約逗留了一小時,嘉穎跟一名男友人走到聖保祿醫院的停車場攞車離開。

嘉穎一個人行去小食店買了大包炸雞髀,再扚返茶記同友人一齊享用。
嘉穎一個人行去小食店買了大包炸雞髀,再扚返茶記同友人一齊享用。
嘉穎徒手拎住隻雞髀大啖大啖食,好滋味咁喎!
嘉穎徒手拎住隻雞髀大啖大啖食,好滋味咁喎!
講到後半段,嘉穎開始唔多出聲周圍望,其後索性側身坐煲電子煙,一副心不在焉咁款。
講到後半段,嘉穎開始唔多出聲周圍望,其後索性側身坐煲電子煙,一副心不在焉咁款。
逗留約1小時,嘉穎便與男友人回聖保祿醫院停車場取車返屋企。
逗留約1小時,嘉穎便與男友人回聖保祿醫院停車場取車返屋企。
Grace媽陳劉惠嫺(右)公開大讚嘉穎非常顧家,是個 101 分的女婿。
Grace媽陳劉惠嫺(右)公開大讚嘉穎非常顧家,是個 101 分的女婿。
今年母親節,鄭氏一家去沙灘玩水慶祝。
今年母親節,鄭氏一家去沙灘玩水慶祝。
自從有家室後,嘉穎修心養性變Family man,閒時都陪太太和寶貝仔多。
自從有家室後,嘉穎修心養性變Family man,閒時都陪太太和寶貝仔多。
嘉穎被外母爆常叫Grace唔好慳錢,又會神神秘秘買個靚手袋送俾老婆。
嘉穎被外母爆常叫Grace唔好慳錢,又會神神秘秘買個靚手袋送俾老婆。
其他文章
hd