首頁 即時娛樂

【頭條獨家】《ERROR自肥企画》格仔導演首拍廣告 Mike導:好新奇感受

21/06/2021 12:39:00
Mike導由幕後走到幕前,拍攝人生第一個廣告。
Mike導由幕後走到幕前,拍攝人生第一個廣告。


《ERROR自肥企画》除咗令ERROR爆紅,亦令一班幕後「無制限OT編集団」人氣急升,繼Agent L(節目導演曹梓冲)率先拍住ERROR同古天樂合作拍廣告後,「格仔導演」Mike(劉諾衡),亦獲美國戶外運動品牌Columbia睇中他平日熱愛戶外活動,特別邀請他為新推出防水及登山鞋做Model拍攝宣傳照。

Mike導為Peakfreak X2 OutDry系列防水鞋及FACET 60系列登山鞋拍宣傳照做Model。
Mike導為Peakfreak X2 OutDry系列防水鞋及FACET 60系列登山鞋拍宣傳照做Model。
Mike導着住新鞋上星期去了馬大石澗影嘢。
Mike導着住新鞋上星期去了馬大石澗影嘢。



Mike在社交平台經常分享不少運動照,包括行山、露營、爬獨木舟、攀石和潛水等,原來愛上戶外活動,全拜劉媽媽所賜,「十一歲嗰年,俾阿媽迫去玩童軍,開始接觸多咗香港嘅大自然,行山都算係嗰陣培養出嚟嘅興趣。好記得,我第一對行山鞋,就係Columbia。」



對於首次拍廣告,Mike導在電話度話:「因為未試過,所以係好新奇嘅感受嚟。」據知,除了今次廣告外,Mike導仲接了其他廣告,問到他還有那種類型廣告,他笑笑話:「仲有幾種其他類型咁啦!(公司幾好畀你賺外快喎?)哈哈!」至於fans幾時見到他製作新節目,他透露因仍在放假中,仲未開始籌備,但年底應該會同大家見面,而是否之前在社交平台透露的《無限制探險隊》,他澄清:「呢個純粹個人舒發感受,同新節目冇關嘅。」

Mike導因破格製作《ERROR自肥企画》,而廣為外界認識。
Mike導因破格製作《ERROR自肥企画》,而廣為外界認識。
在Mike導社交平台會經常見到他去戶外活動。
在Mike導社交平台會經常見到他去戶外活動。

Mike導第一對行山鞋,拍《美女郊遊遊》時報銷。
Mike導第一對行山鞋,拍《美女郊遊遊》時報銷。
「無制限OT編集団」中,Agent L率先拍住ERROR同古天樂合作拍廣告。
「無制限OT編集団」中,Agent L率先拍住ERROR同古天樂合作拍廣告。
其他文章
hd