首頁 即時娛樂

主動提出父親節處男謝票 謝賢希望明年問鼎金像獎

21/06/2021 13:50:00
四哥首次到戲院謝票,大受歡迎。
四哥首次到戲院謝票,大受歡迎。

謝賢(四哥)主演的新片《殺出個黃昏》在過去兩周舉近5場優先場,反應熱烈,作為男主角的四哥有見及此,於昨日父親節與監製林家棟、導演高子彬到戲院謝票,處男下海的四哥獲影迷舉手幅迎接,全場觀眾興奮拍掌歡呼。
四哥於謝票後接受電影公司訪問,稱掌聲是屬於大家的。他說:「好多影迷由細睇到我大,睇到我今時今日,多謝佢哋嘅擁抱。」被問到這部電影跟很多新生代演員合作,有代溝嗎?四哥笑言:「我仲後生過佢哋,真係㗎!我做啲嘢佢地唔敢做㗎,有時講笑呀,講嘢失禮啲,佢哋唔敢㗎你知唔知?佢哋見到我好似一個老師咁,所以我真係好錫佢哋㗎。」他更大爆是次拍攝未有教新演員演戲:「呢啲冇得教㗎,我做咗電影咁耐,演技係發自內心,呢個係我咁多年嘅經驗。因為我一世人未做過其他嘢,淨係做電影!」

談到今次演出為「孫女」鍾雪瑩既出拳頭又出眼淚,令觀眾大受感動,問到可有信心問鼎來年金像獎?四哥謙虛回答:「我都希望,睇吓點樣動啲腦筋攞個獎返嚟!」四哥指最意想不到電影在拍竣年半後,終於在大銀幕上映,更笑說:「仲以為家棟飛起咗我,算佢啦!」
導演高子彬表示第一次見四哥已被其氣場所震懾;家棟則爆於父親節到戲院謝票是四哥提出,所以他和演都開心奉陪。

四哥瀟洒進場。
四哥瀟洒進場。
到台上跟觀眾打招呼。
到台上跟觀眾打招呼。

與全場觀眾大合照。
與全場觀眾大合照。
四哥見觀眾反應熱烈都很開心。
四哥見觀眾反應熱烈都很開心。

監製林家棟、男主角謝賢、導演高子彬。
監製林家棟、男主角謝賢、導演高子彬。
四哥接受訪問都笑不停。
四哥接受訪問都笑不停。
其他文章
hd