首頁 即時娛樂

【《大叔的愛》】被Anson Lo吻戲「加料」嚇親 Edan獲黃德斌幫手解非禮誤會

21/06/2021 23:00:00
港版《大叔的愛》率先公開部份劇照。
港版《大叔的愛》率先公開部份劇照。

ViuTV港版《大叔的愛》即將在下周一(28日)首播,黃德斌、呂爵安(Edan)、盧瀚霆(Anson Lo)及徐㴓喬(Asha)等人參與演出,其中有場戲講述搭巴士的Edan被誤會在車上非禮女乘客,獲德斌「英雄救美」,他為Edan解圍後更攬實對方,大膽又肉緊!

Edan被誤會在巴士非禮女乘客。
Edan被誤會在巴士非禮女乘客。
德斌出手解圍。
德斌出手解圍。


德斌笑言劇情是「巴士奇遇結良緣」,更大爆自己不時坐公共交通工具,相當貼地:「因為太方便,唔使周圍搵位泊車嘛!我平時坐車都收埋自己,唔會招惹啲咩誤會,即使見人鬧交都未必出聲。除非去到郁手郁腳,如果唔係都唔會介入人地鬧交。」

自嘲好窮的Edan是巴士常客,不時在搭車期間與Anson Lo以短訊傾劇本:「我哋之前真係好驚,因為呢部劇買咗版權,要喺原著同自己風格中搵平衡。可能我哋未夠專業,平時都會攬頭攬頸咁玩,所以唔會太尷尬。但有時Anson Lo自己加戲,或者拍錫錫戲嗰陣加嘢,嚇親我囉!」

德斌對Edan一見鍾情,更攬實對方。
德斌對Edan一見鍾情,更攬實對方。
Edan爆Anson Lo會自己加戲,連Kiss場面都唔放過。
Edan爆Anson Lo會自己加戲,連Kiss場面都唔放過。


Anson Lo就指因為要投入角色感情,所以不時向Edan獻媚:「冇辦法啦,識咗咁耐都唔會黐咁埋傾偈,所以幫佢攞飯、攞埋餐具,希望做得細心啲可以搵到份感覺。」Asha就自爆被導演嫌棄有鬼妹仔口音,身為混血兒的她要做地道港女:「導演有日尷尬咁話我有鬼妹仔口音,我答佢『我真係鬼妹仔嚟』!所以開始學咬字,要做個地道香港人!」

Asha自言想搣甩鬼妹仔口音。
Asha自言想搣甩鬼妹仔口音。
其他文章
hd