首頁 即時娛樂

【頭條獨家】手機失而復得好感動 喬寶寶做半日店長籌款助印度抗疫

21/06/2021 23:23:00
做完善事嘅喬寶寶好心有好報,日前遺失手機喺的士內,幸而失而復得。
做完善事嘅喬寶寶好心有好報,日前遺失手機喺的士內,幸而失而復得。

雖然印度新冠疫情持續放緩,最新確診及死亡人數明顯下跌,但印裔港人喬寶寶心繫家鄉,日前中午,他變身印度餐廳店長,做半日義工籌款助印度抗疫。另外,寶寶日前唔小心將手機遺留的士,沒想到致電手機時,司機沒問他收取任何回報就物歸原主,令他非常感動。 採訪:方騫平、譚壹致 場地:Curry Leaf Indian [email protected]佐敦茂林街

喬寶寶做半日印度餐廳店長,望籌得更多善款助印度抗疫。
喬寶寶做半日印度餐廳店長,望籌得更多善款助印度抗疫。
喬寶寶口花花落力𠱁兩位中女客人,顧客好受落。
喬寶寶口花花落力𠱁兩位中女客人,顧客好受落。

由於喬寶寶喺蘇格蘭同妹妹及妹夫合資經營印度餐廳,每周都會落去幫吓手,所以今次由試菜到招呼人客、出菜、洗碗樣樣都冇難度。呢位店長仲好盡責,走勻全場問客人:「啲嘢好唔好食?」又發揮○氹女本色,執枱時搞鬼地笑問女顧客:「使唔使拎埋個茶壺走?」○氹到兩位笑點好低嘅中女笑住走,賓至如歸。

喬寶寶細心向顧客講解餐牌菜式。
喬寶寶細心向顧客講解餐牌菜式。
寶寶大讚作為好兄弟嘅印度餐廳老闆好有心,不時幫助本港弱勢社群。
寶寶大讚作為好兄弟嘅印度餐廳老闆好有心,不時幫助本港弱勢社群。

喬寶寶大讚相熟嘅印度餐廳老闆好有心,兩年前疫情爆發初期,他訂咗兩個貨櫃嘅口罩,出錢出力派畀本港弱勢社群,𠵱家又捐助同鄉,當日老闆除咗捐出全日收益,再補貼多5萬港幣,共籌得6位數字港元善款。喬寶寶在蘇格蘭有屋有餐廳,其實年輕時都捱過苦:「後生做過洗碗、送外賣、洗廁所、跟車、倒垃圾等工作,呢啲工種好多年青人都唔肯做,多數交畀南亞裔人做,但我哋勝在夠勤力,唔介意做,最緊要有工開。」問他可會在港搞印度餐廳?寶寶坦言有諗過,但香港租金及裝修費太貴,計落利潤好低,除非喺工廠區做快餐,仲要多份人夾先至化算。另外,印度最新單日疫情,新增數字去返近兩個月低位,喬寶寶話聽落好似少咗好多,其實實質數字都唔少,期望年底超過6成人可以打齊兩針,到時能擴大防疫網。

當日晚上,寶寶同《我的印度男友》演員出席小型祝捷暨印度導演Sri Kishore生日會,寶寶話《我》片反應好,唔排除開part 2。
當日晚上,寶寶同《我的印度男友》演員出席小型祝捷暨印度導演Sri Kishore生日會,寶寶話《我》片反應好,唔排除開part 2。
喬寶寶落手落腳去洗碗。
喬寶寶落手落腳去洗碗。
喬寶寶喺蘇格蘭同妹妹及妹夫合資經營印度餐廳,會入埋廚房整地道薄餅。
喬寶寶喺蘇格蘭同妹妹及妹夫合資經營印度餐廳,會入埋廚房整地道薄餅。
最後的士司機物歸原主,令他非常感動。
最後的士司機物歸原主,令他非常感動。
其他文章
hd